Imbolc

Imbolc (pronunsiada "imolg"), ance nomida la Dia de Brigid, es un festa celtica tradisional de Er, Scotland, e la isola de Man cual marca la comensa de primavera. Lo es selebrada a 1 febrero o sirca media entre la solstisio de inverno e la ecuinote de primavera. Lo es un de la cuatro festes celtica, con bealtaine, lunasa, e samhain, e coresponde a la Gwyl Fair y Canhwyllau en Cimri. Per cristianes, spesial en Er, lo es la dia de festa de San Brigid.

Un cursa de San Brigid, fabricada de palia

Imbolc es notada en la leteratur temprana de Er, e on ave evidentes ce lo ia es ance un data importante en dias antica. Lo e crededa ce imbolc ia es orijinal un festa pagan asosiada con la diva Brigid, e ce lo ia es cristianida como un festa de San Brigid, ci es probable un cristiani de la diva. A imbolc, cruses de Brigid e un pupa de palia de Brigid (un Brideog) ia es fabricada. La pupa es alora paradeda tra la vila de casa a casa par xicas, a veses acompaniada par "xicos de palia". Brigid ia es crededa como visita cada casa a imbolc. Per reseta sua bondises, persones ta crea un leto per Brigid e lasa comedas e bevidas per el, e vestas ta es poneda a estra per sua bondises. Brigid ia es ance clamada per proteje casas e bestias. La popla ia partisipa en festas spesial e visitas a posos santa, e lo ia es la tempo per divinas.

An si multe costumes ia mori en la sentenio 20, imbolc es ancora selebrada e en alga locas ia es reviveda como un aveni cultural. Alga neopaganes celtica e uicanes moderne selebra imbolc como un festa relijiosa.