2 Pallas

2 Pallas (simbole: , elinica Παλλάς) es un asteroide locada en la sintur de asteroides en la sistem solal, e la asteroide du cual on ia descovre. La astronomiste Heinrich Wilhelm Matthäus Olbers ia descovre lo e ia nomi lo a 28 marto 1802. Pallas es la ojeto la plu masosa en la sintur de asteroides, e on judi ce el contiei 7% de la masa intera.

Compare de grandia: la asteroides prima en compara con la Luna. Pallas es numero du de destra.

A comensa, on ia considera Pallas, con Ceres, 3 Juno e 4 Vesta, como un planeta. Ma pos la descovre de multe otra asteroides, la state de Pallas e la otras ia cambia. Lo es posible ce Pallas va deveni un planeta nana en la futur, ma sola si sua forma coere con la balansa idrostatical.

• Noncomunia (e) 0.231
• Semiase major (a) 414.784 Gm (2.773 UA)
• Perielio (q) 319.143 Gm (2.133 UA)
• Afelio (Q) 510.425 Gm (3.412 AU)
• Periodo orbital 1686.333 d (4.62 a)
• Rapidia orbital media 17.65 km/s
• Tende 34.841°
• Lonjitude de la noda asendente (Ω) 173.152°

Cualias

Pallas es la asteroide la plu grande en la sintur de asteroides, simil a 4 Vesta par volum, ma con un masa multe min grande. Pallas ave un orbita noncomun per un corpo tan grande. Sua orbita es tre inclinada e pico nonsirculo, an si lo es locada a la mesma distantia de la sol como la parte sentral de la sintur xef.