ABC de la Dialetica Materialiste
La ABC de la Dialetica Materialiste es un introdui filosofial, parte de un testo scriveda en 1939 par la revoluiste Leo Trotski. Lo conserna la filosofia dialetical de filosofiste Georg Hegel e economiste Karl Marx.
Trotski ia es un de la xefes en la Revolui Rusian de 1917. Pos un periodo corta en la governa de la Uni Soviet, el ia es escluida par Josef Stalin. La anios ultima de sua vive, Trotski ia abite en Mexico, do el ia encontra la artistes Frida Kahlo e Diego Rivera. El ia atenta construi un move de laborores sosialiste e de solidaria internasional, per para la faxisme cresente, para la gera mundal menasante, e construi un sosia sosialiste.
En esta situa, la natura de la Uni Soviet staliniste (cual ia clama se ance 'sosialiste') ia es no bon comprendeda. Comprende el ia es importante per sabe como on pote construi la oposa e la alternativa. Debe on comprende la Uni Soviet como el presenta se? Como un "stato de laborores"? O debe nos rexerca la dinamica ante deside la natur de la Uni Soviet? Perce un sosia "marxiste" ia produi tal leteratur nonmarxiste? E contra la filosofia dialetical? Esce la potia de laborores es cadeda?
La ABC es la introdui de testos plu longa supra esta demandas. A du anios pos el ia es scriveda, Trotski ia es matada en Mexico par un ajente de sua oposor Stalin.
Lias edita
- La testo en elefen
- The ABC of Materialist Dialectics - la testo en Engles
- Biography section of the Trotsky Internet Archive - biografia de Trotski en Engles
- Dialectics on the English wikipedia – vicipedia Engles supra la Dialetica