AUI
aUI (/ˈaui/) es un lingua filosofial e a priori, creada par W. John, Weilgart (1913–1981) en la desenio de 1950. Lo ia es un filosofiste e psicoanaliste orijinal de Wien, Osteraic. El ia descrive lo como "la lingua de spasio", sinifiante comunica universal. Weilgart ia intende clari e simpli comunica per promove "pas tra comprende". Lo ia es un esperimente per fasili pensa consensa e ia es construida de un colie de elementos primitiva e posible universal.
aUI es construida sur un colie de "primas" semantica universal (o elementos de sinifia) cual pote es combinada per crea defini miniatur. aUI ave 31 morfemes-fonemes, cada con un sinifia asosiada. Pd, cada morfem = un fonem = un semem.
| Sinifia | Letera | AFI |
|---|---|---|
| spasio | a | /a/ |
| move | e | /ɛ/ |
| lus | i | /ɪ/ |
| vive | o | /ɔ/ |
| umana, person | u | /ʊ/ |
| tempo | A | /æ/ |
| materia | E | /e/ |
| sona | I | /i/ |
| senti | O | /o/ |
| spirito, mente | U | /u/ |
| state | Q | /ø/ |
| nega | Y | /y/ |
| con lunlotra | b | /b/ |
| esiste | c | /ʃ/ |
| tra | d | /d/ |
| esta | f | /f/ |
| en, interna | g | /ɡ/ |
| demanda | h | /h/ |
| egal | j | /ʒ/ |
| supra | k | /k/ |
| sirca | l | /l/ |
| cualia | m | /m/ |
| cuantia | n | /n/ |
| ante | p | /p/ |
| positiva | r | /ʀ/ |
| cosa | s | /s/ |
| a, en la dirije | t | /t/ |
| ativa, verbo | v | /v/ |
| potia | w | /w/ |
| relata | x | {/x/ |
| parte | z | /z/ |
Esemplos
edita| Composada | Morfolojia | AFI | Sinifia |
|---|---|---|---|
| io | lus-vive | /ɪɔ/ | planta |
| iO | lus-senti | /ɪo/ | vide (nom) |
| iOv | lus-senti-verbo | /ɪov/ | vide (verbo) |
| fu | esta-umana | /fʊ/ | me |
| bu | lunlotra-umana | /bʊ/ | tu |
| bru | lunlotra-bon-umana | /bʀʊ/ | ami |
| brU | lunlotra-bon-spirito | /bʀu/ | pas |
Numeros es vocales nasal, cual es marcada con un sircoflexe:
| 0 | 1 | 2 | 3 | 4 | 5 | 6 | 7 | 8 | 9 | 10 |
|---|---|---|---|---|---|---|---|---|---|---|
| ŷ | â | ê | î | û | ô | Â | Ê | Î | Û | Ô |
Cada fonem ave ance un glifo o simbol ideografial cual represente sua sinifia. La simbol per "umana", per esemplo, es la du gamas o brasos de un umana, cual ance sujeste sua natur dual. "Spirito" es indicada par un triangulo, cual sinifa en relijio e filosofia antica la profonda e misteriosa. "Vive es representada par un folia, car vive es fundida sur la prosede de fotosintese. "Senti" es la forma de un cor, de tradision e la modo en cual la cambia de a ritmo de la cor es comun en emosias. E "ativa" es representada par un raio de lampo, un de la atas la plu ativa en natur.
Seguente sua oservas de la usa de sloganes par la nazis, e la rexerca sur abitua semantica de la desenio de 1950, Weilgart ia teori ce, do la mente consensa lia sinonimes (pd sinifias simil), la mente nonconsensa asosia sonas simil. Esta es per dise, cuando nos pensa sur e distingui entre parolas cual sona simil par sua sinifias diferente, nos sente, a alga nivel, ce los es (o debe es) ance relatada en sinifia.
Vide ance Victor Klemperer e sua libro Lingua tertii imperii.