Adam Smith
Adam Smith (1723–1790) ia es un economiste e filosofiste brites ci ia fa la atenta seria prima de studia la natur de capital e la developa istorial de comersia e industria entre nasiones european. El ia nase en Kirkcaldy, Scotland. El ia deveni un ami intima de David Hume, un filosofiste scotes ci ia contribui a sua teorias etical e economial.
De 1766 asta 1776, el ia scrive sua rexerca Un esamina de la natur e causas de la ricia de nasiones (1776). Esta ia representa la atenta seria prima de pensa economial, e de separa la studia de economia political de campas relatada de siensas political, etical e legal. El ia inclui un analise profonda de prosedes en cual la ricia economial es produida e distribuida.
El ia mostra ance ce la fontes fundal de tota revenu es luas, salario e profitas. La tema sentral de Smith ia es ce capital es la plu bon usada de produi e distribui de ricia, en states de comersia libre e sin interferes governal.
Per clari esta conseta de controla governal minima en operas comersial, Smith ia esplica la prinsipes de "la mano nonvidable". Asi, un individua es gidada cuasi par un mano per reali la bonia la plu vantajosa per tota.
Obra
editaOn ave desacorda entre la economistes clasica e neoclasica sur la mesaje sentral de la obra la plu influente de Smith: Un esamina de la natur e causas de la ricia de nasiones (1776). La economiste neoclasica asentua la mano nonvidable de Smith, un conseta notada en la media de sua obra (libro 4, capitol 2) e la economistes clasica crede ce Smith ia afirma sua program de promove la "ricia de la nasiones" en la frases un, cual atribui la crese de la ricia a la divide de la labora.