Adolf Hitler
| Adolf Hitler | ||
| ||
| Führer de Deutxland | ||
| Periodo de governa: | 2 agosto 1934-30 april 1945 | |
| Presedor: | Paul von Hindenburg | |
| Seguor: | Karl Dönitz | |
| Informa personal | ||
| Data de nase: | 20 april 1889 | |
| Loca de nase: | Braunau am Inn | |
| Data de mori: | 30 april 1945 | |
| Loca de mori: | Berlin | |
| Profesa: | Politiciste, soldato, depintor, scrivor political, revoluinte e statisticiste | |
| Partito political: | Partito Republiciste | |
Adolf Hitler ia es la presidente de Deutxland entre 1933 e 1945. El ia es la xef de la Partito Sosialiste Nasional de Laborores Deutx o Partito Nazi, e la gidor de la Deutxland Nazi. La ideolojia de sua governa ia es fundida en razisme, antiiudisme e militarisme. El ia gida Deutxland en la Gera Mundal Du, cual el ia comensa con intende de reali sua projeta de estende Deutxland tra Europa.
En 1919, Hitler ia deveni un membro de la Partito de Laborores Deutx, la presedor de la Partito Nazi, e ia deveni la xef en 1921. En 1923, pos la colpa de stato en la bireria Bürgerbräukeller de Munchen, Hitler ia es enviada a prison per sinco anios par la Putsch de Munchen. En prison, el ia scrive la parte prima de sua libro "Mea luta" (Mein Kampf) en cual el ia descrive sua ideolojia con alga elementos autobiografial. A oto menses plu tarda, en 1924, el ia parti de prison e ia oteni suporta poplal per loda de pangermanisme, anti-iudisme e anti-comunisme, esplotante sua talento per parla publica, propaganda e consentra coletiva con multe simbolisme.
On ia nomi el canselor imperal (Reichskanzler) en janero 1933, e an un anio plu tarda, pos la mori de la presidente Paul von Hindenburg, el ia proclama se Führer ("gidor"), oteninte la controla asoluta de la stato deutx. El ia transforma la Republica de Weimar a la Reich Tre e ia governa con un partito fundida sola en la autocratia de la ideolojia nazi.
Sua ojeto ia es institui un Ordina Nova fundida sur la supremia de Deutxland nazi en Europa. Sua politica interna e esterna ia ave la ojeto de prende la Lebensraum ("spasio per vive") per la popla germanica. El ia promove la rearma de Deutxland e la invade de Polsca par la Wehrmacht a 1 setembre 1939, cual ia inisia la Gera Mundal Du. Con esta atas, Hitler ia viole la Trata de Versailles de 1919 cual ia institui la esijes de pas pos la Gera Mundal Un.
Biografia edita
Anios prima edita
Adolf Hitler ia nase en un familia catolica en 20 april 1889 en Braunau am Inn, un vileta prosima a Linz en la provinse de Osteraic Alta, no multe distante de la frontera deutx, en lo ce alora ia es la Impero Osteraic-Magiar. El ia es la fio cuatro de ses (esente la otra Gustav, Ida, Otto, Edmund e Paula) ma sola Adolf e Paula ia ariva asta maturia). Sua padre, Aloys Shicklgruber (renomida en 1876 Aloys Hitler) ia es un ajente de duanas. Sua madre, Klara Pölzl, ia es la spos tre de Aloys e ambos ia desende de la mesma arbor jenealojial. La nom familial orijinal de sua familia ia es 'Hiedler' cual ia deriva a 'Hitler' probable par causa de un era fonetical en la rejistra cuando Aloys ia reprende sua nom familial padral.
Adolese en Wien e Munchen edita
En universia, Adolf Hitler ia es stonada par la testos pangermanica de la profesor Leopold Poetsch ci ia ave un influe notable en el.
Hitler ia respeta sua madre ma ia ave problemes con sua padre car los no ia comparte ideas political e la padre ia no lasa el deveni artiste. Alois Hitler ia vole sua fio ta ave sua mesma labora ma Hitler ia es interesada en depinta e arciteta e sua desira ia es deveni un depintor famosa.
En 1907, Hitler ia abandona Linz e vade a Wien, finansiada par beneficas per orfanes e sua madre. El ia es rejetada du veses per entra en la Academia de artes bela de Wien car sua depintas ia es de construidas e no ia ave animales o move. On ia sujesta el atenta studia arciteta, ma el no ia pote entra en la Academia car el no ia ave educa de liseo. En 21 desembre 1907 sua madre ia mori con 47 anios de canser de peto. En 1909 Hitler no ia ave mone e ia labora como laboror casual e depintante e vendente depintas con acuarela de la vides de Wien.
En sua tempo en Wien el ia xasa un pasion cresente per du interesas: arciteta e musica, vadente a des teatrales en Lohengrin, sua opera favoreda de Wagner.
Gera Mundal Un edita
En agosto 1914, en la comensa de la gera mundal un, Hitler ia vive en Munchen e ia enscrive nonobligante en la Armada Baieres. Seguente un reporta de 1924 par la autorias baieres, permete Hitler servi ia es serta un era manejal, car el ia es un sitadan osteraices, e el ta debe reveni a Osteraic. El ia servi como mesajor en la Frente Ueste en Frans e Beljia, esente la dui de sua tempo en la xeferia rejimental en Fournes-en-Weppes. El ia es presente en la batalia un de Ypres, en la batalia de Somme, en la batalia de Arras e en la batalia de Passchendaele, esente ferida en Somme. El ia es decorada par sua coraje, resetante la Crus de Fero, Clase Du, en 2 desembre 1914 e la Crus de Fero, Clase Un, en 4 agosto 1918, un decora a poca veses donada a algun de sua grado. En otobre 1916 el ia es ferida en sua gamba, cuando un cartux ia esplota en la buncer de la mesajores. Pos du menses en ospital en Beelitz, el ia reveni a la batalia en 5 marto 1917.
En 15 otobre 1918, el ia deveni sieca tempal par causa de un ataca con gas mostarda e ia es moveda a la ospital en Pasewalk. Hitler ia espresa ce, con acel esperia, cuando el ia estrae la banda de sua oios, el ia descovre ce "la ojeto de mea vive es oteni la salva de Deutxland". Esta esperia ia inspira el per scrive la poesia "Sieca" en 14 novembre 1918. Ala, el ia reseta la nova de la defeta de Deutxland e, seguente sua propre nara, el ia sufri un ataca du de siecia.
Hitler ia descrive la gera como "la plu grande de tota esperias" e ia es lodada par sua ofisiores par sua coraje. El ia es xocada par la capitulation de Deutxland en novembre 1918. Como multe otra nasionalistes deutx, Hitler ia apoia la Dolchstoßlegende, cual ia mostra ce la armada deutx, sin defeta en la batalia, ia es colpada con cotel en la dorso par la iudis, la gidores sivil e la marxistes (pos nomida "la criminores de novembre). Estas, ia sabota la armada deutx con greves en la fabricerias de armas.
La Trata de Versailles ia declara Deutxland como la sola culpable de la gera mundal un (como ia dise la article 231) e ia pone punis economial multe forte per Deutxland como ance la abandona de varia teritorios e un desmilitari de la area de Rhine. En la negosia, varia controversias ia apare par la vole de pasi de la esuan Wilson e la desira de venja de la franses Georges Clemenceau.La reconsilia no ia es entre la ojetos de Britan e Frans car, de la sentenio 19, Deutxland ia compete con los per la ejemonia en Europa e la colonias en Africa e Asia. La trata ia es considerada un vergonia par la deutxes e un elemento importante en la crea de las demandas sosial e political demandada par Hitler sua Partito Sosialiste Nasional de Laborores Deutx per ariva a la potia.
Comensa en politica edita
Pos la gera mundal un, Hitler ia resta en la armada. El ia la cursos sur "pensa nasional" organizada par la Departe de Educa e Propaganda de la grupo baieres de la Reuchswehr. Un ojeto de esta grupo era trova la culpables vera de la defeta deutx e, seguente los, ia es la iudis, la comunistes e la libralistes.
En julio 1919, el ia es nomida Verbindungsmann (intelligence agent) de un Aufklärungskommando (reconnaissance unit) de la Reichswehr, asiniada a influe otra soldatos e infiltra la Partito de Laborores Deutx (DAP). El ia conose Dietrich Eckhart, un de la fundores de la partito e membro de la Sosia Thule ci, en un encontra en 12 setembre 1919, ia es impresada par la retorica de Hitler. El ia dona a Hitler un copia de sua libreta "Mea velia political", cual ia ataca la iudis, la capitalistes e la marxistes. Ance, Eckart ia deveni un mentor de Hitler, cambiante ideas e introduinte el a la sosia de Múnich. Seguente ordinas de sua superiores, el ia uni la partito, cual ia cambia sua nom a Partito Sosialiste Nasional de Laborores Deutx (Nationalsozialistische Deutsche Arbeiterpartei). Hitler ia desinia la logo de la partito con un suastica en un sirculo blanca sur un fondo roja.