Africa ueste
Africa ueste es la rejion la plu ueste en Africa. On defini Africa ueste como conteninte 18 paises: Benin, Burcina Faso, la nasion-isola Capo Verde, Costa de Ivor, Gambia, Gana, Gine, Gine-Bisau, Liberia, Mali, Muritania, Nijer, Nijeria, la isola San Helena, Senegal, Siera Leon, San Tome e Prinsipe, e Togo.[1] On ia estima ce la cuantia de abitores en Africa ueste ia es plu ca 349 milion en 2015.[2] La relijio de 70% de la abitores es islam; otra abitores pratica cristianisme e relijios african tradisional.
Jeografia e clima
editaAfrica ueste, cual on defini larga como incluinte la parte ueste de la grupo de Sahara Ueste, Magrib, Jazair e Tunis, ocupa un area plu grande ca 6 140 000 km2, cual es aprosima un sinci de Africa. La plu de esta tera es planos cual es a min ca 300 metres supra la nivel de mar, an si puntos alta isolida esiste en multe statos longo la costa sude de Africa ueste.
La parte norde de Africa ueste (cual on defini magra como escluinte la parte ueste de la grupo de Sahara Ueste, Magrib, Jazair e Tunis) es composada par tereno semiseca nomida la Sahel. Esta es un zona traversal entre la Sahara e la savanas de la parte ueste de la Sudan. Forestas formi un banda entre la savanas e la costa sude. Esta banda varia entre 160 km e 240 km de largia.
La rejion de Africa norde-ueste nomida Muritania sufri periodal pestas de locustas en la intera de la pais, cual consuma acua, sal e cultivas sur cual la popla umana depende.
Fondo
editaAfrica ueste es a ueste de un ase imajinada de norde a sude cual es prosima a la lonjitude 10° este. La Mar Atlantica formi la bordas ueste e sude de la rejion de Africa ueste. La Deserto Sahara es la borda norde, e la Curva Ranixanu es regardada como la parte la plu norde de la rejion. La borda este es min esata; algas loca lo a la Depresa de la Benue, ma otras loca lo sur un linia cual pasa de Monte Camerun a Lago Txad.
La bordas de la statos moderna en Africa ueste refleta la bordas colonial, cual traversa linias etnical e cultural e divide comun grupos de un sola etnico entre du o plu statos.
En contrasta con la plu de Africa sentral, sude e sude-este, Africa ueste no es poplada par parlores de linguas bantu.
Paises
edita| Nom | Area (km2) |
Cuantia de Popla (sirca) (1 Julio 2002) |
Densia (per km2) |
Capital |
|---|---|---|---|---|
| Africa ueste: | ||||
| Benin | 112 620 | 6 787 625 | 60.3 | Porto-Novo |
| Burcina Faso | 274 200 | 12 603 185 | 46.0 | Ouagadougou |
| Capo Verde | 4 033 | 408 760 | 101.4 | Praia |
| Costa de Ivor | 322 460 | 16 804 784 | 52.1 | Abidjan Yamoussoukro |
| Gambia | 11 300 | 1 455 842 | 128.8 | Banjul |
| Gana | 239 460 | 20 244 154 | 84.5 | Accra |
| Gine | 245 857 | 7 775 065 | 31.6 | Conakry |
| Gine-Bisau | 36 120 | 1 345 479 | 37.3 | Bissau |
| Liberia | 111 370 | 3 288 198 | 29.5 | Monrovia |
| Mali | 1 240 000 | 11 340 480 | 9.1 | Bamako |
| Muritania | 1 030 700 | 2 828 858 | 2.7 | Nouakchott |
| Nijer | 1 267 000 | 10 639 744 | 8.4 | Niamey |
| Nijeria | 923 768 | 129 934 911 | 140.7 | Abuja |
| Senegal | 196 190 | 10 589 571 | 54.0 | Dakar |
| Siera Leon | 71 740 | 5 614 743 | 78.3 | Freetown |
| Togo | 56 785 | 5 285 501 | 93.1 | Lomé |
| Total | 30 368 609 | 843 705 143 | 27.8 | |
Referes
edita- ↑ Paul R. Masson, Catherine Anne Pattillo, "Monetary union in West Africa (ECOWAS): is it desirable and how could it be achieved?" (Introduction). International Monetary Fund, 2001. ISBN 1-58906-014-8 (en engles)
- ↑ Datos e statistica fronsida de la Comunia Economial de Statos de Africa Ueste.