Albert Arnold Gore II, conoseda como Al Gore, ia nase a 31 marte 1948. El ia es la vispresidente de la Statos Unida de America de 1993 asta 2001, servinte su presidente Bill Clinton. Gore ia servi ance en la Casa de Representores de la SUA (Salon basa) de 1977 a 1985, e en la Senato de la SUA (Salon alta) de 1985 asta 1993, representante la stato Tennessee. El ia aspira la presidentia en la vota de 2000. El ia gania la majoria de votas, ma ia perde ultima la compete a la aspiror de la parte republiciste, George W. Bush par deside de la Corte Suprema de la SUA.

Al Gore

Informa personal

Otra informas

Profesa: Politiciste

Ambientisme edita

Gore ia es envolveda con temas ambiental de 1976, cuando como un congresor nova, ia fa la "escutas un en la Congresa sur la cambia de clima, e ia cosponsori escutas sur dejetadas nosiva e caldi global. El ia continua parlante sur la tema tra la desenio de 1980 e es ancora comun en la comunia ambientiste. El es conoseda como un de la Atari Democrats, plu nomida la "Verde de la Democratas, politicistes ci vide temas xef como la aira limpa, la acua limpia e la caldi global como clave per vinses futur de sua partito".

Gore es un ativiste famosa sur la ambiente. Per sua laboras, el ia reseta la Premio Nobel de Pas en 2007, con la Intergovernmental Panel on Climate Change ("La comite intergovernal sur cambia de clima"). El ia produi e ata en un filma atestante sur caldi global, An Inconvenient Truth ("Un veria nonoportun"). En 2007, Gore ia organiza la conserta beneficante a 7 julio per consensia de caldi global, Live Earth ("Tera direta").