La albatros de coda-corta
La albatros vagante

Albatroses es avias grande de mar en la familia Diomedeidae. Los es relatada a la petreles. Los estende vasta en la Mar Antartica e la Pasifica norde. Los es asente de la Atlantica norde, an si fosiles indica ce los ia aveni ala en la pasada. Albatroses es un de la avias volante la plu grande, e la albatros grande ave la estendes de alas la plu grande de cualce avias esistente, ateninte asta 3.7 metres. La albatroses es tipal videda como divideda entre cuatro jenera, ma on ave desacorda sur esta.

Los como calamar, pex, e cril par foraje, saisi a surfas, o tufa. Albatroses es colonial, nidi tipal sur isolas isolida a mar, comun con alga otra spesies. Duples liada de mases e femes formi tra alga anios, con la usa de dansas ritual, e dura tra la vive de la du. Un saison de reprodui pote dura plu ca un anio de la pone de ovos a la comensa de vola par la jovenes, con un ovo solitar poneda en cada atenta a reprodui.

De la 22 spesies de albatroses, tota es listada a alga nivel de menasa. Tre spesies es multe menasada, 5 es menasada, 7 es alga menasada, e 7 es riscada. Cuantias de albatroses ia descrese en la pasada, la resulta de colie per plumas. Los es ance menasada par spesies introduida, como ratas e gatos savaje cual ataca la ovos, enfantes, e adultes nidinte. Contamina, un redui en la cuantia de pexes de suprapexa, e par pexa con filos longa. Pexa con filos longa es un menasa seria, car la avias es atraeda a la tentas, deveni oncida par la filos, e afoca. Governas, organizas de conserva, e la industria de pexa labora per un modo de redui esta problem.