Albert Bandura es la fundor de la teoria de cognisio sosial (orijinal teoria de aprende sosial)

Bandura, 2005

El ia es naseda 4 desembre 1925 en la vila peti de Mundare en Alberta norde, Canada. El ia es educada en un scola prima e un scola alta, combinada en un casa peti, con recursos minimal ma un proportio de suseda notable. Pos scola alta, el ia labora a un estate plenida bucos en la via xef en la Yukon.

El ia reseta sua diploma laural en psicolojia de la Universia de British Columbia en 1949. El continua a la Universia de Iowa, do el ia reseta sua diploma dotoral en 1952. Ala el ia es influeda par la tradision de conduisme e teoria de aprende.

Cuando en Iowa, el encontre Virgina Varns, un instruor en un scola de curoria. Pos gradua, el ia oteni un posto a la Wichita Guidance Center (sentro de consela) en Wichita, Kansas.

En 1953, el ia comensa instrui a Stanford Universia. Cuando ala, el ia colabora con sua studiante posgraduada prima, Richard Walters, cual ia resulta en sua libro prima, Adolescent Aggression, en 1959.

Bandura ia es presidente de la APA en 1973, e ia reseta la pemio pe contribuis siensal spesial en 1980. El continua labora a Stanford a presente.

Bandura ia es notable per sua contribuis a la campos de educa, terapia, e personalia, e ia es ance un influe major en la uni de conduisme e psicolojia cognisial. El es famosa per sua esperimenta de la pupa Bobo, en cual el mostra la conseta de aprende par oserva.