Aliki Vougiouklaki
Aliki Stamatina Vougiouklaki (nom orijinal: Αλίκη Σταματίνα Βουγιουκλάκη); 20 julio 1934 – 23 julio 1996) ia es un ator fema elinica, conoseda per sua filmas e teatrales, e un produor fem teatral.
Biografia edita
El ia nase en Marousi. Fia de Emmy Koumoundourou e Ioannis Vougiouklakis, ci ia es la governor xef de Arcadia en la Peloponeso en la gera e ia es esecutada par la organiza de resistente ELAS como colaboror. El ia ave du frates Takis Vougiouklakis (dirijor de filma) e Antonis (arcitetor).
Como studiante, el ia partisipa en presentas teatral cual ia gida el a sua carera como ator fema. En 1952, el ia ave un intervisa pratical per la Teatro Nasional de Elas, ia pasa la esaminas e ia comensa atende la clases. El ia gradua 3 anios a pos.
Carera edita
Sua rol dramal un ia es en "La malada imajinal", par Molière, en 1953 en cuando sua prima filma ia es en 1954, nomida La mus peti. El ia apare en 42 filmas, la majoria musicales, programes de televisa e produis dramal. El ia costela con Dimitris Papamichail en plu de sua filmas e en un numero de obras dramal.
El ia reseta la premio per rol fem gidor en la Carnaval de Sinema Elinica en Thessaloniki en 1960 par sua rol en Mantalena en cuando la filma Ipolochagos Natassa (1970) es la susede la plu grande en la sinema elinica. El ance ia gania la su seguente.
En 1961 el ia institui sua compania dramal propre e ia presenta presentas teatral susedosa. En 1962 el ia es contratada per partisipa en la filma en engles Aliki, My Love. Lo ia debua en London en junio 1963, en Nova York en junio 1963 e en Atina en 1964. Lo ia no reseta la susede espetada. Esta fali ia es la causa par la cual el ia no atenta un carera internasional.
Vive personal edita
El ia sposi con la studiante en la Teatro Nasional Dimitris Papamichail en 18 janero 1965. En 4 junio 1969, el ia pari sua fio, Yiannis Papamichail. Los ia divorsa en 1975, par causa de "diferes nonreconsiliable". En 1992 en un intervisa con Nikos Hadjinikolaou, el ia revela ce el ia casa secreta con Giorgos Iliadis, un comersior elinica ciprica, en 25 janero 1982 en Atina. Los ia encontra en 1976. La du ia divorsa menses a pos, par causas personal de Iliadis, cual Vougiouklaki ia respeta.
Lias esterna edita
- Wikimedia Commons – fotos de stradas e canales