Abri la menu xef
Central America (orthographic projection).svg

America Sentral (en espaniol: América Central o Centroamérica) es un istmo e la parte de America Norde la plu sude. Lo es juntada a America Sude en la sude-este. America Sentral es bordada par Mexico en la norde, Colombia en la sude-este, la Mar Caribe en la este e la Mar Pacifica en la ueste. America Sentral es composada de sete paises: Beliz, Costa Rica, Salvador, Guatemala, Onduras, Nicaragua e Panama. La cuantia de abitores de America Sentral es entre 41 739 000 (la estima de 2009) e 42 688 190 (la estima de 2012).

America Sentral es un parte de la punto calda mesoamerican de biodiversia cual estende entre Guatemala norde e Panama sentral. Par causa de alga falias ativa e la arco volcanal de America Sentral, la rejion es sismica multe ativa. Erutas volcanal e tremateras aveni frecuente; esta desastres natural ia resulta la perde de multe vives e propria.

IstoriaEdita

En la eda precolombian, America Sentral ia es abitada par la persones nativa de Mesoamerica en la norde e ueste, e la popla istmo-colombian en la sude e este. Pronto pos cuando Cristoforo Colombo ia viaja a America, la espanioles ia comensa coloni America. Entre 1609 e 1821, la plu de la teritorio en America Sentral – estra la tera cual ia deveni Beliz e Panama – ia es governada par la Visreal de Espania Nova en Site Mexico como la Capitania Jeneral de Guatemala. Pos Espania Nova ia autonomi de Espania en 1821, alga de sua provinses ia es proprida par la Prima Impero Mexican, ma los ia separa pronto se de Mexico per formi la Republica Federal de America Sentral, cual ia dura entre 1823 e 1838. La sete statos ia deveni ultima statos autonom: la primas ia es Nicaragua, Ondoras, Costa Rica e Guatemala en 1838; Salvador ia segue en 1841; Panama en 1903; e final Beliz en 1981. An aora, persones en America Sentral refere ancora a veses a sua nasiones como si los ta es provinses de un stato American Sentral (pe: persones scrive comun "C.A." pos la nomes de paises, en situas formal e nonformal).

PaisesEdita

Nom Area (km²) Cuantia de abitores (sirca)
(1 Julio 2005)
Densia de popla
(per km²)
Capital
Beliz 22 966 270 000 12 Belmopan
Costa Rica 51 100 4 327 000 85 San José
Salvador 21 040 688 1000 327 San Salvador
Guatemala 108 890 12 599 000 116 Site Guatemala
Onduras 112 492 7 205 000 64 Tegucigalpa
Nicaragua 129 494 5 487 000 42 Managua
Panama 5 517 3 232 000 43 Panama Site
Total 521 499 40 001 000 77


Paises de America Sentral model
Beliz | Costa Rica | Salvador | Guatemala | Onduras | Nicaragua | Panama