Anjioedema

Anjioedema es un area de infla de derma (la strato basa de la pel) e texedas mera su la pel o membranas mucosa. La infla pote aveni en la fas, lingua, larinje, adomen, o brasos e gamas. Lo es comun asosiada con urticaria, cual es la infla en la epiderma. Comensa es tipal minutos a oras.

Anjioedema alerjial; nota ce esta enfante no pote abri sua oios de la infla

La mecanisme envolve tipal istamina o bradicinina. La varia relatada a istamina es la resulta de un reata alerjial a ajentes como mordes par insetos, comedas, o medisines. La varia relatada a bradicinina pote es la resulta de un problem eritada nomida debilia de la inibinte C1, medisines conoseda como inibinte de enzimas de converta de anjiotensina (comun nomida "ace inibitor", de engles), o un sindrom de reprodui rapida de limfosites.

Atentas per proteje la curso de respira pote inclui intuba o cricotiroidotomia (simil a un traceotomia). Anjioedema relatada a istamina pote es tratada con antiistaminas, corticosteroides, e epinefrina. En los con la sindrom relatada a bradicinina, on pote usa un inibinte de C1, ecalantido, o icatibante. Plasma fresca jelida pote es usada en loca de estas. En la SUA, esta maladia afeta sirca 100,000 persones anial.