Anticia clasica
Anticia clasica es la periodo de istoria cultural sentrida en la Mar Mediteraneo, composada de la sivilias entretexable de Elas e Roma antica, coletiva conoseda como la mundo elinica-roman. Lo es la periodo en cual la sosias elinica e roman ia flori e ia estende sua influe tra Europa, Africa norde e Asia ueste.
Normal, on considera ce lo comensa en la sentenios 8–7 aec, con la poesia elinica la plu temprana rejistrada (la epicas de Homero), e ce lo continua asta la emerji de cristianisme e la declina de la Impero Roman (sentenio 5 ec). Lo fini con la disolve de la cultur clasica a la fini de la Anticia tarda (300–600), fusante con la eda medieval temprana (600–1000). Un tal sample de istoria e teritorio covre multe cultures e periodos diferente.
La cultur de la antica elinicas, junta a alga influes de Asia sude-ueste antica, ia es la funda de ideales de arte, filosofia, sosia e educa, asta la periodo imperal roman. La romanes ia conserva, imita e estende tra Europa esta ideales asta ce los ia pote compete contra la cultur elinica, cuando la latina ia deveni vasta e la mundo clasica ia deveni bilingual, elinica e latina. Esta funda cultural elinica-roman ia influe multe en la lingua, politica, lege, sistemes de educa, filosofia, siensa, gera, poesia, istoriografia, etica, retorica, arte e arciteta de la mundo moderna. De la fratos survivente de la Anticia clasica, un move de revive ia es gradal formida de la sentenio 14 a ante cual ia es conoseda en Europa como Renase, e ia emerji denova en diversa revives neoclasica en la sentenios 18 e 19.