Arco de Constantino

La Arco de Constantino (italian: Arco di Costantino) es un arco vinsal en Roma, locada entre la Coloseo e la Palatino. Lo ia es construida par la Senato Roman per onora la vinse de Constantino 1 supra Maxentio en la Batalia de la Ponte Milvian en 312. Dedicada en 315, lo es la arco vinsal roman la plu grande. Lo monta la Via triumphalis, la via usada par la imperores cuando los ia entre vinsal a la site.

Istoria edita

La arco, cual ia es construida entre 312 e 315 ec, ia es dedicada par la Senato per selebra la 10 anios de la rena de Constanio (306-337) e sua vinse sur la imperor Maxentio (306-312) en la batalia de la ponte Milvio en 28 otobre 312, como descriveda en la enscrive atica, e lo ia es ofisial abrida en 25 julio 315. No sola la Senato roman ia dona la arco per la vinse de Constantino, mas ance los ia selebra la decennia, un juas cual ia aveni cada desenio per la romanes. A esta ves los ia prea multe. An tal, Constantino ia entre en Roma la 29 otobre 312, entre grande joia e la Senato alora ia comanda la monumento. Constantino ia lasa roma en du menses e ia no reveni asta 326.