Armadilo

Armadilo (Chlamyphoridae, Dasypodidae) es un mamal omnivor e noturna, con corpo covreda par laminas de oso, e garas grande per escava.

Armadilos (de la espaniol: armoridas peti) es mamales plasental de la Mundo Nova en la ordina Singulata. La Chlamyphoridae e la Dasypodidae es lo sola familias survivente en la ordina, cual es un parte de la superordina Xenartra, con formicores e bradipos. Nova jenera estinguida e 21 spesies esistente de armadilo ia es descriveda, alga de cual es distinguida par la cuantia de bandas sur sua armur. Tota spesies es nativa a la Americas, do los abita un varia de ambientes diferente.

Armadilos es marcada par un casca cuorin e armurin e garas longa e agu per escava. La armur es formida par platos de oso dermal covreda en peti scamas epidermal supraponente composada de oso con un covre de corno. Los ave gamas corta, ma pote move alga rapida. La longia promedia de un armadilo es sirca 75 cm, incluinte la coda. La armadilo jigante pote crese a 150 cm e pesa asta 54 kg, ma la armadilo fein rosa es sirca sola 13-15 cm. Cuando mensasada par un predor, la spesie Tolipeutesa rola frecuente como un bal.