Arte Nova

Arte Nova (o "Art nouveau") es un stilo de arte e arciteta popular entre 1890 a 1905. La stilo es ance nomida Jugendstil (stilo de jovenes) en deutx (de la jornal Jugend, cual ia promove la stil), e Stile Liberty en italian, de la boteca de departes Liberty & Co. en London.

Arte Nova ia es un reata a la arte de la academia de la sentenio de 1800. Lo es multe "natural" – spesial con motifes floral – con formas stilida, fluente e curvida. Lo es ance un filosofia de arte cual dise ce un artiste debe ave arte como un parte de sua vive comun par aplica lo a tota cosas, como arciteta, mobilas, utiles, etc, e no sola depintas e scultas.

La stilo ia es forte influeda par la artiste txesce Alfons Mucha, cuando Mucha ia produi un litografi cual ia apare a 1 janero 1895 en la stradas de Paris como un anunsia per la presenta teatral Gismonda par Victorien Sardou, con la ator famosa Sarah Bernhardt.