Ataca de la Bastilia
La Ataca de la Bastilia ia aveni en Paris a 14 julio 1789. La fortres medieval en Paris conoseda como la Bastilia ia representa la autoria real en la sentro de Paris. Sua cade ia es la comensa de la Revolui Franses. En Frans, 14 julio es un festa nasional, conoseda como Fête de la Fédération (Festa de la Federa)
Fondo edita
Entre la rena de Luis 15 de Frans, Frans ia fasa un crise major de sua economia, partal causada par la custa de interveni en la Revolui American, e malida par un sistem regresante de imposta. A 5 maio 1789, la Statos Jeneral ia convenida per trata esta caso, ma ia es restrinjeda par la protocoles antica e la conservalisme de la Stato Du, composada de la nobiles cual ia es sola 2% de la popla. A 17 junio, la Stato Tre, composada de representores de la popla comun, ia formi se como la Asembla Nasional, un corpo du cual sua intende ia es la crea de un constitui franses. La re ia oposa orijinal esta developa, ma ia es forsada per aseta la autoria de la asembla, cual ia renomi se la Asembla Constituinte Nasional a 9 Julio.