Avestan (lingua)
Avestan, acc istorial como Zend, es composada de du linguas: Avestan vea (parlada en la milenio du aec) e Avestan joven (parlada en la milenio un aec). La linguas es conoseda sola de sua usa como la lingua de la scrives santa de Zoroastrisme (la Avesta), de cual los deriva sua nomes. Ambos es linguas temprana de la familia iranian, un ramo de la linguas indoiranian en la familia estendeda de linguas indoeuropean. Avestan es multe prosima en gramatica e vocabula con sanscrito vedica, la lingua la plu vea de la familia indoarian. Lo es an plu relatada a Persian vea. La dialeto vea desendente de paxto es prosima a la lingua de la Gathas (strofes de poesia relijiosa).
La corpo de testos avestan ia es composada en la areas antica de Aracosia, Aria, Bactria, e Margiana (cual coresponde a tota de Afganistan de oji, e partes de Tajicistan, Turkmenistan, e Uzbecistan. La cultur Yaz de Bactria-Margiana ia es videda como un refleta arceolojial probable de un cultur iranian este temprana descriveda en la Avesta.
Scrive edita
La alfabeta avestan ia es developada en la sentenios 3 e 4 ec. Per acel tempo, la lingua ia es estinguida per multe sentenios, e es sola usada como un lingua liturjial de la scrives santa avestan. Como es ancora fada oji, la liturjias ia es memorida par la prestes e resitada de memoria. La scrive ia es conoseda Din dabireh ("scrive relijiosa").
La scrive es alfabetal, e la cuantia grande de leteras (53) sujesta ce sua desinia ia es la resulta de la nesesa per fa ce lo pote resita la testos multe esata afin preas pote ave un efeto.
La zoroastristes de India, ci represente un de la comunias la plu grande survivente de zoroastristes, ance transcrive avestan en alfabetas fundida sur alfabetas brami. Oji, avestan es plu comun primida con la alfabeta gudjurati (la lingua tradisional de zoroastists indian).
Fonolojia edita
Avestan ia reteni sibilantes vosida, e ave series fricante en loca de aspirante. On ave stilos variante per translitera, per esemplo:
Vowels:
a ā ə ə̄ e ē o ō å ą i ī u ū Consonants:
k g γ x xʷ č ǰ t d δ ϑ t̰ p b β f ŋ ŋʷ ṇ ń n m y w r s z š ṣ̌ ž h
La liscantes y e w es comun transcriveda como ii e uu. La letera transcriveda como t̰ es un alofon de /t/ sin relasa a la fini de un parola, e pos alga consonantes esplodente.
Grammar edita
Nomes edita
| Caso | Finis normal | ||
|---|---|---|---|
| Singular | Duple | Plural | |
| Nominativa | -s | -ā | -ō (-as), -ā |
| Vocativa | – | -ā | -ō (-as), -ā |
| Acusativa | -əm | -ā | -ō (-as, -ns), -ā |
| Strumental | -ā | -byā | -bīš |
| Dativa | -ē | -byā | -byō (-byas) |
| Ablativa | -at | -byā | -byō |
| Jenitiva | -ō (-as) | -å | -ąm |
| Locativa | -i | -ō, -yō | -su, -hu, -šva |
Verbos edita
| Person | Singular | Duple | Plural |
|---|---|---|---|
| 1 | -mi | -vahi | -mahi |
| 2 | -hi | -tha | -tha |
| 3 | -ti | -tō, -thō | -ṇti |