Balenas franca (Balaenidae) es un familia de balenas vera cual conteni de jenera esistente: la jenero Eubalaena (balena franca artica) e la jenero Balaena (balena franca japanes, balena franca glasial, e balena franca sude). Los es balenas grande, con un longia promedia de 15 a 17 metres e pesante 50 a 80 tones (un ton es un mil kg). Sua cualias la plu distinguinte es sua masila streta e arcida, cual dona un linia curvida estrema. Esta forma permete barbas de balena multe longa. La balenas usa esta per come par puxa, nadante a o prosima a la surfas con sua bocas abrida per minutos a un ves, e alora tamisi comedas de la acua, cual los alora raspa de la barbas con sua linguas, un metodo cual contrasta con lo de rorcuales e la balena gris. Sua dieta es composada de crustaseos peti, spesial copepodos, an si alga spesies come ance un cuantia sinifiante de cril.

Un balena franca
Un balena franca atlantica
Un desinia de un balena franca japanes
Un balena artica, madre e enfante

Balenas franca es ance forte construida par compara con la rorcuales, e los manca la ranures longo la garga. Los ave testos multe grande, ateninte 40% de sua longia tota en la caso de la balena franca artica. Los ave aletas corta e larga, e manca un pina dorsal. Tota spesies es a min cuasi migrante, movente a acua plu calda en la inverno, en cuando los cortea e pare. Jesta dura 10 a 11 menses, cual resulta en la pare de un sola enfante, cual tipal aveni no plu ca un ves en tre anios.

Membros de la balenas franca pote vive per plu ca 70 anios. Los ia es multe xasada en la sentenio 19 tarda per sua gras. Sirca 40% de sua corpos es gras (cual resulta en la nom engles de right whale, pd "la balena coreta"). Pos mori, la depones grande de gras ia causa la balenas per flota a la surfas, cual permete xasores fasil asede. Con la cuantia de balenas entre 300 e 30, la balena franca glasial es la plu menasada par estingui. La balena franca japanes es ance menasada, con sola 500 individuas esistente.

Tasonomia edita