Banierias termal de Caracalla
La banierias termal de Caracalla, en Roma, Italia, ia es la numero du de la banierias termal roman la plu grande, probable construida entre 212 e 217 ec en la renas de Septimio Severo e Caracalla. Los ia funsiona asta la desenio de 530, ante deveni desusada e ruinada.
An tal, los ia servi per inspira multe otra construidas notable, incluinte la Banieria de Diocletiano, la Basilica de Maxentio, la Stasion Pennsylvania orijinal en New York, e la Stasion Union en Chicago. Obras de arte reganiada de la ruinas inclui scultas famosa como la Bove de Farnese e la Hercule de Farnese.
Oji, la banieria de Caracalla es un atrae per turistes.
Sentenio 5 asta destrui en sentenio 9
editaLa banieria ia es completa funsionante en la sentenio 5, cuando on ia descrive los como un de la sete mervelias de Roma. Olimpiodoro de Tebas indica un capasia de 1600 persones. On interprete esta como referente a la cuantia masima de visitores simultan, car on crede ce la capasia dial ia es entre 6000 e 8000 baniores.
On ia continua usa la banieria asta la sentenio 6. En 537, en la Gera Goto, Vitiges de la ostrogotos ia aseja Roma e ia rompe la furni de acua a la site. Corta a pos, la banieria ia es abandonada. Locada a distantia tro grande de la parte ancora poplada de Roma, la banieria ia deveni jeneral desusada, ma en la sentenios 6 e 7, lo pare ce on ia usa lo per entera peregrinores ci ia mori pos es curada en un ospital prosima. On ia trova alga tombas simple de esta eda a interna de la banieria.
Lo es posible ce papes Adriano 1, Sergio 2 e Nicolas 1 ia organiza la repara de la acuaduto en la sentenio 9. La trematera de 847 ia destrui multe de la construida, como ance multe otra strutures roman.