Barco

Un barco es un veculo acual de un varia grande de tipos e grandias, ma es jeneral plu peti ca un barcon, cual es distinguida par sua grandia o capasia plu grande, sua forma, o sua capasia de porta barcos.

Un barco recreal motorida con un motor esterna.

Barcos peti es tipal usada sur vias de acua interna como rios e lagos, o en areas costal protejeda. Ma, alga barcos (como barcos de balena) ia es intendeda per usa a mar. En termas naval moderna, un barco es un veculo acual sufisinte peti per es portada a bordo de un barcon.

Barcos varia en proportio e metodos de construi seguente sua intende, materias disponable, o tradisiones local. Canoas ia es usada de tempos preistorial e resta en usa tra la mundo per transporta, pexa, e sporte. Barcos de pexa varia multe en stilo partal per acorda con la situas local. Barcos de plaser usada en naviga recreal inclui barcos de sci, barcos de ponton, e barcos de vela. Casas flotante pote es usada per vacanse o abita per dura longa. Barcos lejera es usada per move cargas a e de barcones grande noncapas de prosimi la costa. Barcos de salva ave funsionas de salva e securia.

Barcos pote es propulsada par potia umana (pe barcos de remos e barcos de pedales), venta (pe barcos de vela), e motores interna/esterna (incluinte gasolina, gasolio, e eletrica).