Benelux
La uni de Benelux (nederlandes: Benelux Unie; franses: Union Benelux;luxemburges: Benelux-Unioun) es un uni political e economia de tre statos visina en Europa ueste: Beljia, Nederland, e Luxemburg. La nom es formida par junta la prima leteras de cada nasion (be-ne-lux), e ia es usada prima per nomi la acorda de imposta de duana, siniada en 1944. Lo es usada aora plu jeneral per refere a la grupo jeografial, economial, e cultural de la tre nasiones.
En 1951, esta nasiones ia junta con Deutxland Ueste, Frans, e Italia per formi la Comunia European de Carbon e Aser, un presedente de la Comunia European Economial e la Uni European de oji.
La instituis major de la Uni es la Comite de Ministros, la Parlamento de Benelux, la Consil de la Uni Economial, e la Secreteria Jeneral de Benelux. La Ofisa de Benelux per Propria Inteletal e la Corte de Justia de Benelux inclui la mesma teritorio ma no es partes de la Uni mesma.
La Secreteria Jeneral de Benelux es locada en Bruxeles. Lo es la colona sentral de dirije de la Uni. Lo manaje la secreteria de la Comite de Ministros, le Consil de la Uni Economial, e la comites e colaboradas variosa.