Bivalvo
La bivalvos es un clase de moluscas de mares, rios, e lagos cual ave corpos compresada enclluida par un conca composada de du partes xarnierida. Los no ave un testo e manca alga de la organos comun de otra moluscas, como la radula e la odontofor. Los inclui bivalvos comun, ostras, cardios, mules, petenes, e multe otra familias. La majoria come tra un filtre. La brancias ia evolui a ctenidia, organos spesialida per come e respira. La plu de bivalvos entera se en deponeda, do los es relativa secur de predores. Otras reposa sur la leto de la mar o afisa se a rocas o otra surfases dur. Alga bivalvos, como petenes, pote nada. La vermes de barcones fora se en lenio, arjila, o petra e vive en esta materiales.
La conca de un bivalvo es composada de carbonato de calsio, e es du partes, tipal simil, nomida valvas. Estas es juntada longo un borda par un ligamento flexable cual, tipal con "dentes" intertexeda sur cada valva, composa la xarnier. Esta ordinada permete ce la conca pote es abrida e cluida sin ce la du duis desfisa. La conca es tipal simetre biladal, con la xarnier en la plana sajital. La grandia de concas matur varia de fratas de un milimetre a plu ca un metre en longa, ma la majoria de spesies no esede 10 cm.
Arbor filojenetica
edita └─o Bivalvia o Pelesipoda
├─o Nuculoida (bivalvo nozin)
├─o Solemyida (bivalvo tendin)
└─o Autolamelibranciata
├─o Pteriomorfia
│ ├─o Mitilide (mul)
│ ├─o Prionodonta (peten)
│ └─o Eupteriomorfa
│ ├─o Pterioida ([[ostra plumin)
│ └─o Ostreoida (ostra)
└─o
├─o Paleoeterodonta
│ └─o Unionoida (mul de acua dulse)
└─o Eterodonta
├─o Anomalodesmata (bivalvo de mar)
└─o Veneroida (cardio)