Abri la menu xef
Rena de Camputxa
ព្រះរាជាណាចក្រកម្ពុជា
Preah Reacheanachak Kampuchea
Flag of Cambodia.svg Royal arms of Cambodia.svg
Cambodia on the globe (Cambodia centered).svg
Informa jeneral
Capital: Pnompen
Lingua ofisial: Cmer
Dirije
Governa:
- Xef de stato:
- Xef de governa:
Otras
Area: 181 035 km²
Popla: 15 957 223 (2016)
Densia: 81.8/km²
PIB: $64.405 bilion (2017)
Mone: Riel
Zona de ora: UTC+07:00
Numero de telefon: +855
Interede: .kh
Cb-map.png

Camputxa (en cmer: កម្ពុជា Kâmpŭchéa [kɑmpuˈciə]), nomida ofisial la Rena de Camputxa (en cmer: ព្រះរាជាណាចក្រកម្ពុជា Preăh Réachéanachâk Kâmpŭchéa [ˈprĕəh riəciənaːˈcɑk kɑmpuˈciə]) es un pais en la sude de Indoxina en Asia. La area es sirca 181 035 cilometres cuadrida. Lo borda Tai a la norde-ueste, Lau a la norde-este, Vietnam a la este e la Golfo Tai a la sude-ueste.

La cuantia de popla, en la anio 2016, ia es sirca 15 957 223 persones. La relijio ofisial es budisme teravada, cual es la relijio de sirca 95 persentos de la popla. La minorias de la pais inclui vietes, xineses, txames e 30 tribus de cmer loeu. La site capital e la plu grande es Pnompen; lo es la sentro political, economial e cultural de Camputxa. La rena es un monarcia constitutal.

En 802 ec, Jayavarman 2 ia declara se como re e ia uni la prinses cmer gerante de Txenla su la nom "Camputxa". Esta ia marca la comensa de la Impero Cmer cual ia flori tra plu ca 600 anios, e ia capasi ce res seguente ia governa e domina multe de Asia sude-este e ia colie multe potia e ricia. La rena indianida ia construi templos monumental - incluinte Angkor Wat, cual es aora un loca de erita mundal - e ia fasili la estende de induisme prima, e a pos de budisme a multe de Asia sude-este. Pos la cada de Angkor a Ayutthaya en la sentenio 15, un Camputxa diminuida e debilida ia es renada como un stato vasal par sua visinas. En 1863, Camputxa ia deveni un protejeda de Frans; esta ia dupli la grandia de la pais par reclama la norde e ueste de Tai.

Camputxa ia autonomi en 1953. La Gera de Vietnam ia estende a en Camputxa, con la SUA ia bombinte Camputxa entre 1969 e 1973. Pos la colpa camputxa de 1970, la re desponeda ia dona sua suporta a sua enemis pasada, la Cmeres Roja. La Cmeres Roja ia emerji como un potia major: los ia concista Pnompen en 1975 e a pos ia esecuta la Jenoside Camputxa entre 1975 e 1979; pos esta, los ia es espulsada par Vietnam e la Republica Poplal de Kampuchea en la Gera Camputxa-Viet (1979-91).

La lingua major es cmer.

Otra nomes: Le Cambodge, Cambodia, Kampuchea.

1975: L'anio Zero. La Cmeres Roja ia institui un rena de teror asta 1979, la gera contra la armada de Vietnam. La pais es ancora malada. 2013: Mori de Ieng Sary (87a.) en un hospital de Pnompen. El ia es un de xefes de la Cmeres Roja.