Casas sur palos de la Alpes
Casas sur palos preistorial pote es trovada en la Alpes en colonias construida de sirca 5000 aec a 500 aec a la bordas de lagos, rios, o pantantes. Escavas a alga de la locas ia produi comprende de vive preistorial e de la modo en cual comunias ia interata con sua ambiente en la edas neolitica e bronze en Europa alpan. Est colonias es un grupo unica de locas arceolojial multe bon conservada e rica en cultur, e composa un de la fontes la plu importante per la studia de sosias temprana de cultivores en la rejion.
Oposada a credes popular, la casas no ia es erijeda supra acua, ma sur rivas e pantanes prosima. Los ia es construida sur palos per proteje contra inondas cual ia aveni a veses de la lagos. Car la lagos ia crese en estende tra tempo, multe de la palos orijinal es aora su la acua, cual dona la impresa falsa de vilas "flotante".