Catedral de Siena
La Catedral de Siana (italian: Duomo de Siena) es un eglesa medieval en Siena, Italia, dedicada de la comensa como un eglesa marian de la Eglesa Catolica, e aora dedicada a la reseta de Maria a sielo. Lo es aora la seja de la arcibispo de Siena-Colle di Val d'Elsa-Montalcino.
La catedral ia es desiniada e completida entre 1215 e 1263 sur la loca de un strutur plu temprana. Lo ave la forma de un crusa latina con un traversal alga protendente, un cupola, e un tore de campanas. La cupola estende a supra de un funda esagon con colones suportante. La cupola ia es completida en 1264. La lampa sur la cupola ia es ajuntada par Gian Lorenzo Bernini. La tore de campanas ave ses campanas, la de cual la plu vea ia es moldida en 1149. La nave es separada de la du coredores par arcos semisirculo. La esterna e interna ia es construida de marmo blanca e negra verdin en bandas alternante, con la ajunta de marmo roja sur la fasada. Negra e blanca ia es la colores simbolin de la site de Siena, liada a la cavalos negra e blanca de la fundores lejendal de la site, Senio e Ascio. On ave 35 figures de profetas e patriarcas, grupida sirca la virjin Maria. La artistes la plu bon de Italia de la eda, ia completa obras en la catedral. Esta artistes es Nicola e Giovanni Pisano, Donatello, Pinturicchio, Lorenzo Ghiberti, e Bernini.
.jpg)
_-_Dome_interior.jpg)
