Catolicisme tradisionaliste

Catolicisme tradisionaliste es un promove cual favore la restora de multe o tota la costumes, tradisiones, formas liturjial, dedica publica e privata e presentas de la ensenia de la Eglesa Catolica ante la Consilio Vatican Du (1962-65). Lo es a asosiada con un teni a Misa de Rituo Roman ante 1970, refereda como la misa tradisional latina.

Altar en la Eglesa de la Universia Newan, Dublin, preparada per la misa tradisional latina.

La catolicas tradisional ia es turbada par la cambias liturjial de la Consilio Vatican Du, razonante ce lo nudi la liturjia de sua santia e fa lo tro protestante, diminuinte la fida en la Presentia Real de Cristo en la Eucaristia. Multe ance ia oposa la ensenias sosial donada par la Eglesa en e pos la Consilio, spesial la de ecumenisme, clamante ce esta nebli la linias entre catolicisme e otra relijios.

Sirca 1% de persones ci identifia como catolica clama es "tradisionaliste", ma la numero de catolicas praticante ci considera se "tradisional" pote es tan alta como 11%. La plu majoria de catolicas tradisional regarda la rituos santa nova e la Papes pos la Consilio Vatican Du como valida, e atende misas tradisional ofreda par la pretes bispal, la Instituida de Cristo Re e Arciprete (ICRSS), FSSP o SSPX. Alga atende la Misa como revisada en 1969, refereda como la Misa de Ordina Nova, si la misa tradisional latina no es disponable per los, an si los regarda lo como inferior, otras refusa atende la Misa de Ordina Nova, an si no ave misa tradisional latina.