Chabi

Informa personal

Pais: Espania

Otra informas

Profesa: Traduor, vicipediste

Chabi es un elefeniste e occidentaliste. El ia nase en Espania e ia studia linguas moderna, e tradui e interpreta en universia.

VicipediaEdita

El ia comensa edita Vicipedia en julio 2006, en sua varia en espaniol. El ia aida ance en la varias en aragones, asturian, galego, catalan, estremaduran e ositan. Ance, la varia en creol jamaican ia es creada grasias a sua aida (el ia es sua ideor e el ia ajunta imajes e categorias e ia consela la editores xef). El ia colabora ance con la Nashanal Kriol Kongsl per developa la varia en creol belizan, e con otra vicipedistes per developa la varia en franses guianan. En la Vicipedia en iudi-espaniol el ia boni la article sur la lingua e ia crea la articles sur sua leteratur, dialetos, gramatica e un bibliografia.

Ance, el ia aida en otra vicis en multe otra linguas: en ligurian, en oromo, en xitsonga, en luganda, en hawaian, en tahiti, en haca, en novial, en interlingue, par ajunta images, modeles e categorias.

LinguasEdita

Creol jamaicanEdita

El ia aida en la crea de la Vicipedia en creol jamaican. El e otra vicipediste ia es ci fa lo.

Creol belizanEdita

El ia colabora ance con la Nashanal Kriol Kongsl per developa la varia en creol belizan. Esta ia es creada la 28 desembre 2018.

Linguas construidaEdita

La lingua construida prima cual el ia conose es esperanto, par leje en un libro vea cual el ia trova en casa de sua ava. El ia oblida lo asta alga anios plu tarda, cuando el ia descovre ce Vicipedia ia esiste en esta lingua. El ia comensa aprende lo, ma el ia deveni plu interesada per ido, e el ia cambia a esta lingua. Pos anios variosa, en cual el ia duta entre interlingua e ido, el ia trova lingua franca nova. Pos esta descovre, el ia deside abandona tota otra projetas de linguas creada car, per el, lingua franca nova es la lingua creada la plu bon. Per esta, el ia comensa aida en la Vici de elefen.

IdisteEdita

El ia aida en la Wikipedio, la Vicipedia in ido, entre la 5 febrero 2009 e la 8 febrero 2011. El ance ia aida en la Wiktionario en ido.

ElefenisteEdita

Ideor e comensor de la Vicipedia en lingua franca nova, el ia crea multe articles, alga de los ia deveni destacada. Spesial, el boni la article sur la istoria de la lingua, sur sua creor, otra elefenistes e sur temas lingual.

El ia es membro de la Asosia per Lingua Franca Nova de 31 julio 2019 asta 11 julio 2020.

El ia crea multe obras en lingua franca nova, xef traduis de obras leteratural e de la Biblia, e el ia crea libros de aprende e per enfantes.

En relata con la lingua, el ia aida par boni la parte de sintatica en la gramatica de lingua franca nova, el ia crea multe termas nova e el ia comensa la crea de proverbos. El sempre cura per boni la terminolojia de la lingua, afin lo pote es usosa per siensa e leteratur. La campos xef de terminolojia cual el ia developa ia es teolojia, relijio, matematica e siensas natural.

El ia ajunta traduis a la disionario de espaniol e catalan, e el ia crea disionarios peti en otra linguas.

En maio 2020, el ia publici la novela prima scriveda en la lingua, nomida La xerca per Pahoa.

El ia abandona lingua franca nova en julio 2020.

BibliografiaEdita

En lingua franca novaEdita

En otra linguasEdita

Interlingua
Interlingue

ReferesEdita

  1. Li sercha in li castelle Dewahl e altri racontas
  2. Antologie hispan

LiasEdita