Cibele

Cibele (frigian Kubeleya, lidian Kuvava, elinica Kybele) es un diva madral de Anatolia. El es la sola diva conoseda de Frigia, e ia es probable sua divin nasional. Sua culto ia es adotada e ajustada par colonistes elinica e ia sperde a Elas european e sua colonias plu distante a la ueste, sirca la sentenio 6.

Cibele tronida, con leon, corno de abunda, e corona mural, sirca 50 ec

En Elas, Cibele ia es asimilada a aspetas de la diva de tera Gaia, posible sua corespondente minoan Rea, e la diva de la colie Demeter. Alga site-statos, notable Atina, ia selebra el como un protejor, ma la plu de sua rituos e prosedes la plu selebrada ia mostra el como un diva stranjer e misteriosa ci ariva en un caro traeda par leones con un acompania de musica savaje, vino, e seguores estasica e turbosa. El ia ave un colie de pretes mendica e castrada, no trovada per cualce otra divin elinica. En Elas, Cibele ia es asosiada con montes, mures de sites e vilas, natur fertil, e animales savaje, spesial leones.

En Roma, Cibele ia es conoseda como Magna Mater ("Madre Grande"). La stato adotada e developada un forma de sua culto pos la oraculo sibilina ia recomenda usa el como un alia relijial clavin en la gera du contra Cartago. Romanes reinventada el como un diva troian, e donce un diva asendente de la popla roman per la prinse troian Enea. Con la ejemonia ultima de Roma sur la mundo mediteranean, varias romanida de la cultos de Cibele ia sperde tra la Impero. La sinifia e moralia de sua cultos e pretes ia es la sujetos de debate e disputa en la leteratur elinica e roman, e resta tal en studias moderna.