Cifose

Cifose (de la elinica κυφός, "jiba") es un curvi convesa nonormal de la spina en la rejiones toraxal e sacral. (La curvi concava nonormal de la rejiones colal e lombal es nomida lordose.) Lo pote es la resulta de maladia dejenerante de la discos, o un nonormalia de developa, plu comun la maladia de Scheuermann; osteoporose con fratis compresante de la vertebras; mieloma multiple; o trauma. Estas causa un desformi de la dorso, videda como un posa malapoiante o la developa de un jiba. En la plu de casos, lo nesesa sola monitori. Ma si lo resulta en dole, difisilias de respira e dijesta, problemes cardiovascular e neurolojial, lo nesesa sirurjia per fusa vertebras per restora un curvi plu natural