Cindy Sheehan

Cindy Lee Miller Sheehan ("sindi li miler xihan") ia nase a 10 julio 1957. El es un ativiste american contra la geras en Irac e Afganistan. Sua fio, Casey, ia es matada en sua servi como soldato en la gera de Irac a 4 april 2004. Sheehan ia atrae interesa en agosto 2005 per sua protesta dur a un campa estra la ranxo de presidente George W. Bush en Texas. Sheehan ia gania multe suporta e ance multe critica. En maio 2007, el ia fini sua ativia, e ia dise "Me vade a me casa per es un madre a mea enfantes survivente, e retrae alga cosas cual me ia perde."

A 23 julio 2007, pos cuando Bush ia redui la condena de Scooter Libby (condenada per atesta falsa ante un juria grande), Sheehan ia anunsia ce el intende defia Nancy Pelosi (xef de la Salon Basa de la SUA) en la vota seguente, car Pelosi no ia introdui articles de acusa contra presidente Bush.