Clica (fonolojia)
Clicas es sonas de parla cual aveni como consonantes en multe linguas de Africa sude e en tre linguas de Africa este. Tecnical, clicas es blocis con du puntos de clui en la boca, un a ante e un a dorso. La poxe de aira encluida es rarida par un ata de suca par la lingua. La clui a ante es alora relasada, produinte alga de la consonantes la plu forte en la lingua, an si en alga linguas, clicas pote es plu sutil.
Clicas aveni a ses locas xef de espresa. La AFI representa un clica par pone un simbol per sinco locas (no simbol esiste per la clica ses), a lado de un simbol per un sona nonclica a la dorso de espresa, o con diacritos per vosi, nasali, etc. Esta simboles es usada par la plu de linguas coisan, ma la linguas bantu como zulu usa latina ⟨c⟩, ⟨x⟩ e ⟨q⟩ per clicas dental, ladal, e alveolal, en ordina.
Pronunsia
edita- La clicas la plu fasil per la plu de parlores de linguas nonclica es la clicas dental, scriveda con un "pipa" solitar (ǀ). Los ave un tono alta fabricada par suca a la lingua cuando lo es a la dentes. Lo sona simil a la sona de "t", ma con la aira sucada a en, e no a estra.
- La clicas ladal es scriveda con un "pipa" duple (ǁ). Lo es creada par suca a la dente molente a un lado de la boca (o ambos lados). En alga partes de la mundo, esta es la sona usada per indica a un cavalo ce el debe move a ante.
- La clicas labial es scriveda con un sirculo con un punto a sentro (ʘ). On debe suca a la labios (ma sin la mua de un besa). La lingua no es envolveda. El sona vera como un besa, ma con la aira sucada a en.
- Clicas alveolal es scriveda con un marca de esclama (!). La punto de la lingua es tirada subita e rapida de la teto de la boca, cual produi un sona simil a "pop!", ma con un tono alta. Lo sona simil a un tapo de suber tirada de un botela vacua.
- La clicas palatal es scriveda con un pipa con du faxas (ǂ), es creada con la lingua plata e plu dorsal ca la clicas alveolal, simil a un craci de la ditos.
Linguas
editaLa table a su lista cual linguas ave cual clicas:
| Click place inventory |
Languages | Notes |
|---|---|---|
| sola dental ǀ | Dahalo | Clicas diversa ma sola nasal |
| 1 clica, variante ǀ ~ ǃ ~ ǁ | Sotho, Gciriku, Mbukushu | En Sotho, la clicas tende es alveolal; en Gcirikku e Mbukusha, dental |
| 2 clicas, ǀ, ǂ | Kwadi | ǂ no trovada en tota varias |
| 2 clicas, ǀ, ǁ | ǁXegwi | ǃ ajuntada en parolas emprestada |
| 3 clicas, ǀ, ǃ, ǁ | Sandawe, Hadza, Xhosa, Zulu | En Hadza e Sandawe, la ! es comun "palmida" |
| 4 clicas, ǀ, ǂ, ǃ, ǁ | Korana, Khoekhoe, Yeyi, Juǀʼhoan | |
| 4 clicas, ǀ, ǂᶴ, ǃ, ǁ | Ekoka !Kung | |
| 5 clicas, ʘ, ǀ, ǂ, ǃ, ǁ | ǂHõã, Nǀu, ǀXam, Taa | |
| 5 clicas, ǀ, ǂ, ǃ, 𝼊, ǁ | Grootfontein !Kung | |
| 5 clicas, ʘ, ʘ↑, ǀ, ǃ, ‼ | Damin | Estra /ʘ↑/, tota es nasal |