Consilio Grande de Faxisme
La Consilio Grande de Faxisme (en italian: Gran Consiglio del Fascismo) ia es la corpo xef de la governa faxiste de Mussolini en Italia. Un corpo cual ia ave e ia aplica multe potia per controla la instituidas de la governa, lo ia es creada en 1923 e ia deveni un corpo statal a 9 desembre 1928. La consilio usual ia asembla en la Palasio Venezia (Roma), cual ia es la seja de la governa italian.
_-_Exterior.jpg)
Potias edita
Esensal, la consilio ia ave esta potias:
- La potia de eleje la representores de la Partito Faxiste, la nomina par la Secretor de la Partito e otra gidores de la partito, la aproba de la leges de la partito e la potia en relata a la politica de la partito.
- La potia per eleje la linia de la corona e la susede incluinte la eleje de la eritor a la trono, la direto a la corona, la potia de eleje la posible susedentes a la Ministro Xef, la potia per eleje la funsiona e parteni de la Consilio Grande, la Senato, la Salon de Representores (a pos la Salon de Fasci e Corporas), la potia de deside la diretos e potias de la Ministro Xef, tratas internasional e relatas esterna.
La reunis de la Consilio Grande ia es asemblada par la Ministro Xef, e tota la comandas e leges sola ia pote es legalida por reseta sua aproba. En contrasta con la model de governa Führerprinzip en Deutxland Nazi, la Consilio Grande ia ave potia per recomenda a la Re de Italia desapone a la Ministro Xef. Como tota la instituidas de governa suordinada a la Partito Faxiste, la Consilio ia es la sola esamina de la potia de Mussolini.
Ma a pos la invade aliada de Sisilia, en la note de 24-25 julio 1943, la majoria de la Consilio Grande, seguente la proposada de la membro Dino Grandi, ia pasa un vota de nonfida contra Mussolini como gidor. Grandi (e alga de sua aliadas en la Consilio) ia colabora con la Re Vittorio Emmanuele, ci en la encontra a matina ia confirma ce "la Duce" ia no es lo e ce Italia ia ave un Ministro Xef real en la jeneral Pietro Badoglio.