Corea Norde
| Republica democrata popular de Corea 조선민주주의인민공화국 Chosŏn Minjujuŭi Inmin Konghwaguk | |||
|
| ||
.svg)
| |||
| Informa jeneral | |||
| Capital: | Pyongyang | ||
| Lingua ofisial: | Corean | ||
| Dirije | |||
| Governa: | |||
| - Xef de stato: | Kim Jong-un | ||
| - Xef de governa: | Kim Tok-hun | ||
| Otras | |||
| Area: | 120,540 km² | ||
| Popla: | 23,301,725 | ||
| Densia: | |||
| PIB: | |||
| Mone: | |||
| Zona de ora: | |||
| Numero de telefon: | |||
| Interede: | |||
| |||
La Republica democrata popular de Corea (RDPC), o 조선민주주의인민공화국 Txoson minju ju'ui inmin gong'hua guc en corean, internasional plu bon conoseda como Corea Norde, e en elefen ance conoseda como Txoson), es un pais en Asia este, en la parte norde de la penisola de Corea. La pais es bordada par Xina e Rusia longo la rios Amnok (o Yalu en xines) e Tuman de la norde, e en la sude par la linia de divide militar cual separa lo de Corea Sude. En Corea Sude, lo es nomida Buk-han 북한 car on no reconose la Norde como un stato autonom.
En 1910, la Impero de Nion ia propri Corea. Pos Nion ia sede a la fini de la Gera Mundal Du en 1945, Corea ia es divide a du zonas longo la paralel 38 par la Statos Unida de America e la Uni de Republicas Sosialiste Soviet, con la norde ocupada par la URSS e la sude ocupada par la SUA. Negosias sur reuni ia fali, e en 1948, governas separada ia es creada: la stato sosialiste de la Republica democrata popular de Corea en la norde, e la stato capitaliste de la Republica de Corea en la sude. Un invade par Corea Norde ia indui la Gera Corean (1950-1953). La Acorda Corean de Sesaspra ia comensa un sesaspra, ma no trata de pas ia es suscriveda.
Corea Norde descrive ofisial se como un stato sosialiste autosufisinte e aveni formal votas. Criticores regarda lo como un tirania autocrata. Medias variosa ia dise ce lo es staliniste, e note spesial la culto detaliosa de personalia sur Kim Il-sung e sua familia. Organizas internasional ia evalua ce violes de diretos umana ave no paralel en la mundo contempora. La Partito de la Labora de Corea, cual es gidada par un membro de la familia renante, ave potia en la stato e gida la Fronte Democrata per la Reuni de la Propre Pais, de cual tota ofisiores political debe es membros.
La area es sirca 120 540 cilometres cuadrida.
La cuantia de abitores, en la anio 2007, ia es sirca 23 301 725 persones.
La site capital es Pyongyang.
La lingua major es corean (txoson mal).
Jeografia
edita| Provinsia, Munisipa governada direta (MGD), o Sites spesial (SS) | corean | en leteras xines | fonetica en lfn | seja de governa |
|---|---|---|---|---|
| MGD Pyongyang | 평양직활시 | 平壤直轄市 | Piongiang jic-hal si |
Distrito Sentral 中區域 |
| SS Rason | 라선특별시 | 羅先特別市 | Rason tucbiol si |
Distrito Rajin 羅津區域 |
| SS Nampho | 남포특별시 | 南浦特別市 | Nampo tucbiol si |
Distrito Waudo 臥牛島區域 |
| Phyong'an Norde | 평안북도 | 平安北道 | Piong'an buc do |
Sinuiju 新義州 |
| Phyong'an Sude | 평안남도 | 平安南道 | Piong'an nam do |
Pyongsong 平城 |
| Hwanghae Norde | 황해북도 | 黃海北道 | Huanghe buc do |
Sariwon 沙里院 |
| Hwanghae Sude | 황해남도 | 黃海南道 | Huanghe nam do |
Haeju 海州 |
| Kangwon | 강원도 | 江原道 |
Cang'uon do |
Wonsan 元山 |
| Hamgyong Norde | 함경북도 | 咸鏡北道 | Hamgiong buc do |
Chongjin 清津 |
| Hamgyong Sude | 함경남도 | 咸鏡南道 | Hamgiong nam do |
Hamhung 咸興 |
| Ryanggang | 량강도 | 兩江道 | Riang'gang do |
Hyesan 惠山 |
| Chagang | 자강도 | 慈江道 | Txagang do |
Kanggye 江界 |
| Area spesial | corean | en leteras xines | fonetica en lfn | intende de la area |
|---|---|---|---|---|
| Rejion turiste de Monte Kumgang | 금강산관광지구 | 金剛山觀光地區 | Cumgangsan guan-guang jicu | turisme |
| Rejion industria de Kaesong | 개성공업지구 | 開城工業地區 | Caesong gong-op jicu | fabriceria e companias de Corea sude cual emplea laborores de Corea norde |
| Zona economial spesial de Rajin-Sonbong | 라진선봉경제특구 | 羅津先鋒經濟特區 | Rajin Sonbong giongje tucgu | atrae investis xines e rusce |
| Rejion dirijal spesial de Sinuiju (proposada en 2002) | 신의주특별행정구 | 新義州特別行政區 | Sinuiju tucbiol haengjeoncu | introdui la economia de mercato libre, su un scema "un pais, du sistemas" |
| Zona economial de isolas Hwanggumphyong e Wihwa (proposada en 2010) | 황금평위화도경제구 | 黃金坪威化島經濟區 | Huang'gum piong Uihua do giongjegu | atrae investi xines |
Governa
editaLa RDPC es governada par la Partito Corean de Laborores (PCL), o Txoson rodong dang, dirijeda par la ideolojia "jutxe" (autodepende). On ave otra partitos como la Partito Democrata Sosial de Corea (PDSC) e Partito de Jovenes de Txondogio (PJT), ma los es peti e sin potia.
La xef de la PCL e la xef de RDPC par fato aora es Kim Jong-un. El es ance la xef suprema de la Armada Poplal de Corea, la ramo militar de la PCL (la militar nasional de RDPC par fato).
La ministro xef de RDPC es Pak Pong-ju (de 1 april 2013), e la presidente de la Asembla Poplal Suprema (e la xef de stato par lege) es Choe Ryong-hae (de 11 april 2019).
Vide ance
editaLias esterna
edita- Novas de Corea Norde (NK News )
- Televisa sentral de Corea
- Ajenteria sentral de novas de Corea
- La jornal de laborores