Creante un paje

Per crea un paje nova, on pote entra la nom de la paje tu vole crea en la caxa "Xerca Vicipedia". Si la paje esiste ja, tu ta vide la article. Natural, tu pote clica a "Edita la fonte" a la alta de la paje per edita la article o ajunta a lo. Un otra modo es par clica a un lia en un paje esistente cual es mostrada en leteras roja (cual indica ce la paje no esiste ja), e comensa.

Per edita un paje vea, on pote clica a "edita la fonte". Si tu vole edita sola un parte de la article, on pote clica a "edita la fonte" seguente un titulo ("heading") de un parte. Tu va es liada a un paje (tipal en leteras como un tapador, pe Courier), con alga simboles per edita.

(Nota ance la eras comun en scrive elefen, a "Averti sur la cambias temprana e resente de la lingua", a su).

Linia de aidas

Cuando tu edita un paje esistente o ajunta un paje nove, tu va vide un linia de aidas como esta:

Si on clica la A, on ta pone cualce letera, parola, o parolas tu ia marca (pd, "highlight") a ante en leteras spesa.

Si on clica la A, on ta pone cualce letera, parola, o parolas tu ia marca a ante en leteras apoidada.

Clica a la anelos liada per ajunta un lia o en o estra la vicipedia (segue la instruis a la fenetra flotante cual ta apare.

Clica a la cuadro per ajunta un imaje. ancora, segue la instruis in la fenetra flotante.

Clica a la libro peti per ajunta un refere, cual, par seguente la instruis, ta crea un numero alta a la testo, e un refere completa a la fini de la article.

La imaje de un lapis a la lado destra permete ce on move de la modo cual nos discute asi (edita fonte) a la modo "visual" (vidal) cual opera plu como un wysiwyg, per dise, un editador cual pare plu simil a la testo final. Ambos ave sua beneficas e difisilias.

Linia de aida "Advanced"

La eticeta "advanced" (avansada) condui a plu aidas. Clica lo e tu ta vide un linia como esta:

La menu cadente "heading" (titulo) capasi ce on eleje un titulo de alga grandia. O tu pote ajunta du, tre, o plu sinias de egalia (=) a ambos lados de la parola o frase cual tu vole usa.

La simboles seguente, pos "format" (forma) ta aida tu crea listas (con puntos simple o numerida). Pos los es un simbol per crea un forma per introdui testo cual tu no vole inclui a la paje como videda jeneral, ma cual resta en la paje de edita. E la flexeta sinistra ta ajunta <br> a la testo, cual indica un linia nova.

Segunte estas, on vide simboles per grandi o diminui la testo tu ia marca a ante. La du Xs permete ce on ^alti o _basi la letera o numero tu ia marca, pd crea un supraindise o suindise.

La simbol prima pos "insert" (inserta) ta abri un fenetra cual aida tu en la crea de un galeria de imajes.

La simbol du es usada per crea un "redirect" (redirije), normal usada per redirije la xerca a la article si lo ave un nom cual difere de lo entrada. Per esemplo, si tu xerca per la lingua "aitian" par tape "aitian", la vici ta redirije automatica a la article "creol aitian".

E la simbol final ta aida tu en la crea de un table. Simple segue la instruis a la fenetra flotante.

"Special characters"

Clica a "special characters" (leteras e simboles spesial) e tu va vide un colie de multe leteras o simboles spesial, o an alfabetas nonlatina.

"Help"

Final, clica a "help" (aida) si tu vole vide la modos per crea leteras spesa o apoiada, suindises o supraindises, titulos, listas, etc, direta a tua paje de edita. Cuando on developa sua capasia en crea o edita a la vicipedia, on ta prefera posible usa la modo plu directa.

Modos plu direta

Como indicada a supra, on pote usa modos plu direta, si on prefere. On ta aprende estas multe rapida e pote rapidi tua edita.:

Per leteras apoiada:

''leteras apoiada''

Per leteras spesa:

'''leteras spesa'''

Per lias a articles de esta vici:

[[Ganglios basal]]

[[Ganglios basal | ganglios]] (si la nom de la article no es la mesma como la parola/s en la testo)

Nota: On no nesesa ajunta spasios ante e pos la "|" en la ajunta de lias o imajes. Nos ia usa spasios sola per clari.

Per ajunta un imaje:

[[file:Ganglios_basal_lfn.png]] (per la imaje orijinal - comun tro grande!)

[[file:Ganglios_basal_lfn.png | thumb | Esta es un imaje de la ganglios basal]] (per un grandia limitada cual pote es grandida par clica sur lo, con un descrive de la imaje a su)

[[file:Ganglios_basal_lfn.png | 300px | center]] (per un imaje de un grandia spesifada, e sentrida en la paje; on pote usa "left" o "right" per pone lo a sinistra o destra)

Per "headings" (titulas de partes):

==Titula grande==

===Titula media===

====Titula peti====

Per listas:

*punto (linia marcada con un "*")

*un otra punto (linia ance marcada con un "*")

#punto un (linia marcada con la numero 1)

#punto du (si lo segue punto un, esta linia ta es marcada con la numero 2, etc)

:alga testo indentada (per indenta simple un linia)

Per un linia nova:

yada yada yada<br>yada yada yada (per comensa un linia nova)

bla bla bla<br><br>bla bla bla (per ajunta un linia blanca entre la linias separada)

Per iniora indicas normal (nos ia usa esta per mostra la marcas e indicas en esta mostra de marcas e indicas!):

<nowiki>Testo</nowiki>

Nota: On debe fini la testo con un indica de clui (per esemplo </nowiki>); La mesma aplica a la indicas a su.

Per cambia la grandia de testo:

<big>Testo grandida</big>

<small>Testo petida</small>

Per supraindise e suindise (plu comun usada con numeros, e usada en matematica o notas basa):

^{Testo supraindiseda}

_{Testo suindiseda}

Averti sur la cambias temprana e resente de la lingua

On debe es atendante per alga cambias de formas de elefen:

La ajunta de "lo" per cosas, e la restrinje de "el" per umanas, alga animales, robotes, etc, pd cosas con alga "personalia";

La usa de "lo" ante verbos cual ave no sujeto esata, pe "lo es vera ce tempo vola" e "lo pluva";

Simil, on usa "on ave" per engles "there are", pe "on ave multe pexes en la lago";

La introdui de "ca" per "than" (en loca de "ce"), pe "el es plu grande ca sua padre";

La usa de "cual" como la determinante e pronom per "what, which", e la usa de "ci" sola como la pronom per "who, whom";

"Ce" es usada sola como un sujunta simil a la engles "that" (ma no per "acel"!), pe me pensa ce el es bela;

La sufisa "-os" ia deveni "-osa";

La ajunta de "sua" per la determinante de posese per person tre, e la usa de "se" sola como la pronom refletante per person tre;

La ajunta de un "-a" per determinantes de posese:

me -> mea

nos -> nosa

tu -> tua

vos -> vosa

se -> sua

Un cambia multe temprana: no usa "-r" per indica infinitivas!

E nota: "elefen", "lfn", e "lingua franca nova" es la nomes egal ofisial de la lingua! Sustituis no es nesesada. Ma no usa "creol" e "europijin" per lfn.

Me espera ce la eda de cambias de la gramatica es en la pasada! Un lingua creada nesesa alga grado de stablia per susede. Ma nos pote ancora debata la nesesia de parolas nova, spesial per intendes tecnical.