Cubo de Rubic
La Cubo de Rubic es un rompetesta macinal inventada en 1974 par Erno Rubic, scultor e profesor de arciteta en Magiar. Lo es un cubo plastica cual es otenable en cuatro varias diferente: la 2×2×2 (Cubo Bolseta), la 3×3×3, la 4×4×4 (Retalia de Rubic), e la 5×5×5 (Cubo per Profesores). La varia la plu famosa es la varia orijinal 3×3×3 con ses lados, e nove cuadros peti per cada lado. La cuadros peti es de ses colores. Si la rompetesta es solveda, tota cuadros a cada lado ave la mesma color - ses colores, un color per cada lado. La varia orijinal ia selebra sua aniversario 25 en 2005, e un edita spesial de la cubo ia es publicida en un caxa spesial.
Orijinal, sua nom ia es Cubo Majial. Lo ia es refabricada e renomida Cubo de Rubic en 1980 e publicida en maio de esta anio. Lo ganio la preso famosa Spiel des Jahres (Jua de la Anio) spesial per la rompetesta la plu bon. Lo es diseda ce lo es la jua la plu vendeda en la mundo, con sirca 30 milion orijinales e imitas en la mundo entira.
Tecnical edita
Un Cubo de Rubic ave ~4.3 × 1019 states diferente e posable, o 43 sintiliones. Ma la Cubo ia es anunsiada como lo ave sola mil miliones de states posable, per ce la numero vera es jeneral noncomprendable. Contra la numero enorme de states, tota cubos pote es solveda en 29 moves o min. la calcula per states posible es asi:
Esplica de la calcula: la 8 e 3 veni de la 8 pesos a la cantos, cada con 3 colores. La 12 e 2 veni de la 12 pesos a la bordas, cada con 2 colores. La pesos sentral es noncambiable e no ajunta a la calcula. La divide par 2 veni de la simetria de duples de pesos: per cada peso cambiada, un otra peso cambia ance.
Poplaria edita
En 1981, Patrick Bossert, un xico de 12 anios en England, ia publici sua modo de solve en un libro clamada Ance tu pote cubi. Plu ce 1,5 milion pesos de esta libro ia es vendeda en tota la mundo e en 17 editas. Lo ia deveni la libro prima en ambos listas de bonvendedas importante de The Times e la New York Times, esta anio.
A la culmina de la poplaria de la rompetesta, pajes con aderes colorida ia es vendeda afin persones frustrada o nonpasiente pote restora la pare de sua cubos sin solve los.
De 1983 a 1984, la compania de televisa Hana-Barbera ia produi des-du presentas de Rubic, La Cubo Stonante, un animada per la matina de saturdi, baseda supra la jua, cual ia es un parte de La ora de Pac-Man e Rubic la cubo stonante. En esta animada, cuatro enfantes descovre ce sua Cubo de Rubic es vera vivente e ave potias stonante. Los deveni amis e deside ce la potias stonante es usada la plu bon per solve misterios.
Lo ia es sujesteda ce la atrae internasional e esporta grande de la Cubo ia es un de la causas en la reforma e libri de la economia de Magjar entre 1981 e 1985, dirijente final a la move de comunisme a capitalisme, ma alga sosiolojistes desacorda.
Finansial, la Cubo ia es un susede tal grande ce la inventor Rubic ia deveni la milionor autocreada prima en un pais comuniste.
En 23 maio 2006, Panagiotis Verdes ia construi un Cubo de Rubic 6×6×6. Rubic ia pensa ce esta ia es nonposable. En la mesma dia, Frank Morris, la campion de la mundo en solve la Cubo de Rubic, ia proba esta varia nova e ia solve lo en 5 minutos e 36 secondos. Ante, el ia solve la 3×3×3 en min ce 15 secondos, la 4×4×4 en min ce 1 minuto e 10 secondos, e la 5×5×5 en min ce 2 minutos.
Lias esterna edita
Juas de cubos e otras:
- Jaap's Puzzle Page
- TwistyPuzzles.com
- Twisty Puzzles Collection
- Puzzle Collection at Passion for Puzzles.com
- 20x20x20 Rubik's Cube
Solve la cubo:
- How to Solve the Rubik's Cube
- Beginner Solution to the Rubik's Cube
- WikiCube Un vici ce devota sola a solve la Cubo
- Pretty Patterns - A collection of pretty patterns for Rubik's Cube.