Culier
Un culier es un util composada de un bol peti, tipal ronda o oval, con manico longa. Lo es usada per come, misca e servi comedas. Un culier es ance un util simil ma plu grande, usada per prende cosas polvin o semisolida de un contenador. Oji, culieres es fada de metal (notable de arjento), lenio, porselana o plastica.
Etimolojia edita
La parola culier en lingua franca nova es simil a colher en portuges, cuillère/cuiller en franses e cullera en catalan. En otra linguas relatada esta util ave la nom cucchiaio (italian) e cuchara (espaniol).
Istoria edita
La culieres ia es usada en la Paleolitica per come. En esta tempo, la persones ia probable usa concas o pesos peti de lenio como culieres. La parolas per esta util en elinica e latina veni de la parola "coclea" cual es un conca spiral de caracol.
Tipos edita
On ave multe tipos de culieres. On ave culieres de table, de te, de deser, de sopa e otras. On ave ance culieres per colie e valua multe mone.