Cultur Celteminar

La cultur Celteminar (5500-2500 aec) ia es un cultur arceolojial de la eda neolitica de pexores fisada abitante la areas semideserto e deserto de la desertos Caracum e Cizilcum e la estuarios de la rio Amu Daria e la rio Zeravxan en la teritorios de Cazacstan, Turcmenistan, e Uzbecistan, datida a la milenios 6 - 3 aec.

Mapa de la estende de la cultur Celteminar

La popla de la cultur celteminar ia usa un sistem de xasa, colie, e pexa. Tra tempo, los ia adota la eleva de bestias. Con la caldi de la clima, grupos mesolitica ia move a norde en esta area de la cadena de montes Hissar (6000-4000 aec). Esta grupos ia trae con los la arco e flexa e la can, elementos de un revolui cultural.

Siensistes crede ce la cultur celteminar es relatada a la cultur de vasos petenida e probable representa la popla parlante linguas uralica. Lo abita en casas multe grande (24 m par 17 m, e 10 m alta) cual es abitada par la tota comunia tribal de sirca 100 a 120 persones. Los ia decora se mesma con perletas fabricada de concas. Los ia fabrica axas de petra e puntos per flexas en la forma de trapezoides miniatur. Per cosina, los usa vasos de arjila produida sin la rota de vasores. La economia ia es fundida sur pexa e xasa nonomada.