La vileta Dimini en Elas ia dona sua nom a un cultur neolitica. Lo es bon conoseda per sua vasos con decoras pintada. La seramicas marca la neolitica en Tesalia este, an si lo ia es intercambiada e imitada estra la rejion e ia es identifiada tan distante como Cakran en Albania.

Arceolojistes I. Lyritzis e R. Galloway ia compara seramica de ambos Dimini e Sesclo usante un metodo termoluminante per dati los. Los ia descovre ce la abitantes de la vila en Dimini ia apare sirca 4800 aec, cuatro sentenios ante la cade de la sivilia de Sesclo sirca 4400 aec. Los conclui ce la du poplas ia coesiste per un periodo, cual sujeste ce la popla de Dimini no ia es la causa de la cade de la sivilia de Sesclo, como crededa ante sua rexerca.