Cultur Elp
La cultur Elp (sirca 1800-800 aec) es un cultur de la eda de bronze de Nederland marcada par vasos de losa de un cualia basa conoseda como "kummerkeramik". La fase comensante es marcada par tumulos (1800-1200 aec), forte liada a los de la mesma periodo en Deutxland norde e Scandinavia, e relatada a la cultur de tumulos (1600-1200 aec) en Europa sentral. Esta fase ia es segueda par cambias seguente marcada par funeras de seni, tipal de la cultur de campos de vasos ("Urnfeld", 1200-800 aec). A prima, la mores ia es enterada en cavetas basa e covreda par un tumulo basa. A la fini de la eda de bronze, los ia es senida e la vasos ia es colieda en tumulos basa. Funeras familial ia aveni sola en la fases plu tarda.
Un parte de la "Nordwestblock", la cultur Elp es situada a la norde e este de la rio Reno e la rio Ijssel, bordante la cultur Hilversum a la sude, e la cultur Hoogkarspel en Frisia ueste, tota cual, con Elp, deriva de la cultur de vasos de filo spinosa (2100-1800 aec) e forminte un compleso cultural a la borda entre la orizones atlantica e nordica.
La cultur es marcada par la usa de la casa longa, abitada par umanas e animales en la mesma construida. Esta construi mostra un continua spesial en la area asta la sentenio 20, e es ancora la tipo normal de cultiveria en la paises basa de Europa norde-ueste. La tradision local de asentua la eleva boves ia es permaneda par la [[Sason[[es e la Frisces, la casas de ci ia perxa sur colinas natural en la planos moiada. Lo es jeneral suposada ce la orijina de esta modo de vive ia es en la eda de bronze, entre 1800 e 1500 aec. Probable, esta cambia ia aveni a la mesma tempo como la cambia de la cultiveria de du sesiones a los de tre sesiones tan temprana como 1800 aec. La casa de tre sesiones ia aveni en Scandinavia a la mesma tempo.
En la contesto de la eda de bronze norde, multe razonas importante es notada de la costum de inclui boves en un construida, e an en la casa normal. Esta pote indica un asentua nova a la produi de lete e ceso, spesial car la bevi de lete ia deveni posible par un jen contra la nontolera de lete, cual ia emerji prima entre la popla neolitica de Europa norde. La usa de stalas per boves ia es nesesada per evita ce la boves ta dona min lete en clima fria. Interata sosial e un rol en la supranatural pote ia es importante ance, suportada, per esemplo, par la montones de peles de boves en tumulos e la sacrifia de animales en sveria e danmarc. Proteje contra atacas per boves ia ance comparti con la situa - indicada par benes en enteras, enscrives de rocas, e cumulos de benes - sujestante un ideolojia forte militar de esta eda.
La redes complicada de cultur e economia cual preveni la difere esata de etnicos e linguas suporta la manteni de contatas entre la linguas asendente a germanica e celta. La cultur Elp ia fini con la ariva de la cultur Hallstatt. Ma la misca de cultures celta e germanica en la area continua asta aora.