Cultur Wessex
La cultur Wessex es la cultur dominante de Britan sentral e sude en la eda de bronze temprana (sirca 2000-1400 aec), definida prima par la arceolojiste brites Stuart Piggot en 1938. Lo no debe es confusada con la rena sason de Wessex.
La cultur es relatada a la cultur Hilversum de Nederland sude, Beljia, e Frans norde, e liada a la tumulos armorican de Frans norde. Lo ave como sua prototipo la cultur de vasos campanin ("bellbeaker" en engles) de la rio Reno media. En sua fase prima (2000-1650) lo ia es asosiada con la construi e usa de la fases tarda de Stonehenge. Stonehenge ia es un sirculo de petras jigante, probable usada per rituos e astronomia temprana. Ma a esta periodo, Stonehenge no ave plu un rol en la calculas astronomial.
La popla de la cultur Wessex ia entera sua mores su tumulos, prima usante entera simple, ma plu tarda usante seni e comun con benes rica. Los ia pare como avente lias de comersia vasta con Europa continental, importante ambar de la Baltica, joalas de Deutxland, oro de Bres, e an dagas e perletas de Elas mesenian. Lo ia es divinada ce transporta par rio ia permete Wessex deveni un de la lias major a la estuario Severn. La ricas de tal comersia ia permete probable ce la popla de Wessex per construi la fases du e tre de Stonehenge, e ance sujesta un forma potiosa de organiza sosial.