Cultur Windmill Hill
La Windmill Hill cultur ("colina de molin") es la nom donada a la popla ci ia abita Britan sude, spesial en la Plano Salisbury, prosima a Stonehenge, sirca 3000 aec. Los ia es un popla neolitica de cultivores. Sua nom deriva de Windmill Hill, un colina ensircada par foso ronda liada par vias levada. Con un otra tribu neolitica de Anglia Este, un tribu de ci sua adora inclui la construi de sirculos de petras, posible la mesma popla ci ia fa la labora la plu temprana a la loca de Stonehenge.
La colina enclui un area de 8.5 ha, e es la plu grande de sua tipo conoseda en Britan. La loca ia es abitada prima sirca 3800 aec, an si la sola indicas es un serie de escavas de un sosia cultivante. Plu tarda, sirca 3300 aec, tre fosos consentral sesionida par vias levada, la foso la plu esterna con un diametre de 365 metres. La vias varia en largia de alga sentimetres a sete metres. Materia de la fosos ia es pilada per crea rivas a la interna de la fosos.
La arcivo material restada par esta popla inclui un enclui tumulos longa, puntos de flexas de la forma de folias, e axas de petra briliada. Los ia eleva boves, oveas, porcos, e canes, ia cultiva trigo, e ia mina silica (petra de foco).
La cultur pare como un estende de la cultur Hilversum en lo cual es aora Nederland. Alga arceolojistes sujesta ce Windmill Hill es composada de alga sucultures e es relatada a multe otra cultures de la area.