Damrak
La Damrak es un strada e canal parte plenida en la sentro de Amsterdam, corente entre Amsterdam Centraal (la stasion de trenes la plu grande en Nederland) en la norde e la Dam (la plaza con la palas real) en la sude. Lo es un strada major a do popla ci ariva a la stasion de trenes pote entra la sentro de Amsterdam. Lo es ance un de la du vias de la trames de GVB (la compania de transporte de Amsterdam) de la stasion a la sentro, con linias 4, 9, 16, e 25 vadente de lo.
La strada es locada sur un rak (un parte reta) de la rio Amstel prosima a un dam (parario), de cual sua nom es derivada. En la sentenio 19, un sesion de lo ia es plenida. Car la asioneria presedente (la Beurs van Berlage) e alga otra construidas relatada a ativias finansial ia es construida ala en la sentenio 20, la terma "Damrak" ia deveni un sinonim per la Asioneria de Amsterdam, como Wall Street es sinonim con la Asioneria de New York e NASDAQ. La Beurs van Berlage mesma es aora un salon de conserta e salon de esibi. Oji, la area es conoseda per sua restorantes, bares, e botecas per turistes. Sua canales es ance un area ativa per la barcos de canal ance.