Abri la menu xef
Esta pergamin de 1768, par Jekuthiel Sofer, onora un orijinal de 1675 de la des domandas a la sinagoga Amsterdam Esnoga

La Decalogo (elinica δεκάλογος) es la comandas cual Mose ia reseta de Dio. Lo es descriveda en Esodo 20:2–17 e Deuteronomio 5:6–21, con diferes peti.

  1. Tu debe ama Dio supra tota cosas.
  2. Tu debe no malusa la nom de tua Dio.
  3. Recorda la dia santa e manteni sua santia...
  4. Onora tua padre e tua madre.
  5. Tu debe no mata.
  6. Tu debe no adultera.
  7. Tu debe no fura.
  8. Tu debe no atesta falsa contra tua visina.
  9. Tu debe no desira la sposa de tua visina...

La forma a supra es numerida como en cristianisme ortodox. Nota ce iudisme e setas variosa de cristianisme numeri los en modos alga diferente. Per iudes, "Tu debe ave no otra dio ante me" es parte de comanda du. Per catolicas e luteranes, "Tu debe no fa idoles" es un parte de comanda un, e comanda des deveni comanda nova "Tu debe no desira la sposa de tu visina" e comanda des "Tu debe no desira la casa de tu visina," etc. Per la plu de protestantes, "Me es la Senior, tu Dio" es parte de la prefas, e no de comanda un.

Asi es un tradui de la testo ivri:

  1. Me es Iaue, tu Dio, ci ia estrae tu de Misre, de la casa de la sclavos. Tu no va ave otra dios ca mi.
  2. Tu no va fabrica per tu un idol, e no imaje de cual es en la sielo a supra, o de cual es sur la tera a basa, o de cual es en la acua su la tera. Tu no va inclina a los, e tu no va servi a los.
  3. Tu no va usa falsa la nom de Iaue, tu Dio.
  4. Recorda la dia de la reposa afin tu manteni la santia de lo.
  5. Onora tua padre e tua madre.
  6. Tu no va asasina.
  7. Tu no va adultera.
  8. Tu no va fura.
  9. Tu no va dona un atesta falsa contra tua visina.
  10. Tu no va desira la casa de tua visina, e tu no va desira la fem de tua visina, e no sua servor om o fem, e no sua bove, e no sua asino, e no cualce cosa cual parteni a tua visina.