Dennis Kucinich

politiciste esuan de la partito democrata

Dennis John Kucinich ("denes djan cusinitx"), naseda a 8 otobre 1946, es un politiciste esuan de la partito democrata. Un membro de la Salon basa entre 1997 e 2013, el ia es ance un aspiror per la nomina democrata per presidente de la SUA en 2004 e 2008.

En la Salon basa, Kucinich ia representa distrito 10 de Ohio. Sua distrito ia inclui la plu de Cleveland ueste, con ance suburbes como Parma e Cuyoga Heights. El ia es la presidente de la Sucomite de Politica Interna, un sucomite de la comite per Supravide e Reforma de la Governa. El es ance un membro de la Comite de Instrui e Labora.

De 1977 a 1979, Kucinich ia es la maior 53 de Cleveland, Ohio. La periodo ia es turbosa, e el ia survive un eleje de refusa e ia susede en un batalia contra la vende de un servi publica de eletrica, ante deveni vinseda par George Voinovich en sua atenta a reeleje.

Vive personal edita

Kucinich ia nase en Cleveland, Ohio, a 8 otobre 1946, la plu vea de sete enfantes de Frank e Virginia Kucinich. Sua padre ia es un camionor de asendentes corvatsce. Sua madre ia es un fem de casa, eres-american. Sua familia ia move sua casa a 21 veses, e la familia ia abita a veses en sua auto.

El ia vade a la Universia Case Western Reserve e ia gania sua diplomas laural e mestral en "parla e comunica". El ia es divorsada a du veses, e ave un fia. El ia sposi sua sposa tre, un brites nomida Elizabeth Harper, a 21 agosto 2005.

A 19 desembre 2007, sua fio la plu joven, Perry Kucinich, ia es trovada mor en sua casa. On ia ave no indica de un ata criminal.

Reconose edita

En 2003, Kucinich ia reseta la Premio Gandhi de Pas, un premio anial donada par la organiza cuecer Promove un Pas Durante.

Lias esterna edita

https://web.archive.org/web/20090624233053/http://kucinich.house.gov/ http://www.dennis4president.com/