Depintor de sirenas

La depintor de sirenas es la nom donada a un artiste de Elas antica ci decora vasos de figures roja de Atica, ma ci no ia suscrive los. Sua nom real e la datas de sua nase e mor no es conoseda. Seguente la pratica tradisional, sua nom ia es derivada de la sujeto de un de sua obras - un vaso cual mostra un sena de la Odisea par Homer: Odiseo es liada a la masto de sua barcon cuando el pasa longo la isola de la sirenas, femes avin perilosa. Espertas estima ce el ia labora en Atina en la anios 480 a 470 aec.

Odiseo e la sirenas
Heracles e Apolo

Alga de sua vasos conservada es esibida publica a la Museo Brites e a la Museo Louvre:

  • London, Museo Brites: Odiseo e la sirenas, sirca 480 a 470 aec.
  • Paris, Museo Louvre: La luta entre Heracles e Apollo per la trepede de Delfi, sirca 480 aec.