Deus vult

Deus vult ("Dio lo vole", ance en latina demotica Deus lo vult, con varias como Deus le volt, Dieux el volt; Deus id vult, Deus hoc vult, etc.) es un slogan cristian asosiada con la Crusadas, plu spesifada con la Crusada de la Prinses de 1096-1099. La frase apare en la tradui de la Vulgata de la Biblia cristian.

"Deus lo vult" es la slogan de la Ordina de la Tomba Santa (1824).

Crusada Un

La cria de batalia de la Crusada Un es reportada en la Gesta Francorum, scriveda par un autor anonim asosiada con Bohemond 1 de Antiocia, poca a pos sua campania susedosa, en 1100 o 1101. Seguente esta descrive, cuando la Crusada de la Prinses ia reuni en Amalfi en la estate tarda de 1096, la grande numero de crusadores ala reunida, armada e con la simbol de la crus en spala destra o en sua dorso, ia cria "Deus le volt, Deus le volt, Deus le volt" en un sola vos. La Historia belli sacri, scriveda plu tarda, ia sita la cria de batalia.

Bibliografia

• B. Lacroix, "Deus le volt!: la théologie d'un cri", Études de civilisation médiévale (IXe-XIIe siècles). Mélanges offerts à Edmond-René Labande, Poitiers (1974), 461–470.