Duple-parla

Duple-parla es parla cual intende oscura, desembla, contorse, o reversa la sinifia de parolas. Lo pote es composada de parolas evitante (pe "reduis" per desempleas, "servi la blanco" per bombi, etc), en cual caso lo es intendeda per fa asetable la veria nonasetable. En tal casos duple-parla desembla la natur de la veria.

"frate grande regarda tu")

Duple-parla es asosiada la plu con parla political. La espresa orijina en la libro 1984, par George Orwell. An si la espresa esata no es usada, lo es un relata prosima de du consetas sentral de la libro: "duple-pensa" (doublethink) e "parla-nova" (Newspeak)

En sua esajo "Politica e la lingua engles" (Politics and the English Language), Orwell oserva ce la parla political servi per contorse e desembla la veria. Sua descrive de parla political es multe simil a la defini moderne:

___

En nosa eda, parla e scrive political es xef la defende de la nondefendable … Tal linga political debe es composada xef de parolas evitante, apela la prinsipe, e nonclaria neblosa … la enemi grande de linga clar es nonsinseria. Do on ave un fesur entre tua goles real e tua goles declarada, on verje, posible par instinto, a parola longa e idiomes fatigada, …

___