Abri la menu xef

Fini de la domina roman en Britan

End.of.Roman.rule.in.Britain.383.410.jpg

La fini de la domina roman en Britan ia es la cambia de Britan roman a Britan posroman. La domina roman ia fini en partes diversa de Britan a tempos variosa e e para causas diferente.

En 383, la usurpor Magno Maximo ia retira soldatos de la norde e ueste de Britan, probable lasante la encarga a la xefes de gera local. Sirca 410, la romanes brites ia esclui la judores de la finjor Constantino 3, parente car el ia fali retira un garnison de Britan e donce no ia proteje la isola.

La imperor roman Honorio ia responde a un demanda per aida con la Prescrive de Honorio, disente ce la sites roman ia debe organiza sua propre defende, silente asetante la autogoverna brites tempora. Honorio ia es lutante en Italia contra la visigotos su sua gidor Alarico, e Roma mesma ia es asejada. El ia no pote libri soldatos per proteje Britan distante. An si lo es probable ce Honorio ia espeta regania pronto la controla de la provinses, Procopio ia reconose ja en la media de la sentenio 6 ce Britannia ia es intera perdeda par la romanes.